Sobe un 50% a contratación de seguro para millo forraxeiro en Galicia e un 3,4% en vacún reprodutor

O Ministerio de Agricultura, Alimentación e Medio Ambiente publica o novo número do “Informe de Contratación do Seguro Agrario” do terceiro trimestre de 2016

Sobe un 50% a contratación de seguro para millo forraxeiro en Galicia e un 3,4% en vacún reprodutor

En Galicia a liña 102 para vacún reprodutor e de recría asegura a 138.464 vacas

O Ministerio de Agricultura, Alimentación e Medio Ambiente, a través da Entidade Estatal de Seguro Agrario (ENESA), publicou un novo Informe de Contratación do Seguro Agrario, correspondente ao terceiro trimestre de 2016, no que se dan a coñecer os datos da contratación nas liñas do Plan de Seguros Agrarios 2015 e 2016.

En Galicia destaca o aumento do 50% na contratación de seguro para millo forraxeiro así como a subida do 3,42% na liña 102 para vacún reprodutor e de recría.

No conxunto de España, e de acordo coa información recollida, constátase un aumento da produción asegurada nas liñas agrícolas de cultivos herbáceos extensivos e cítricos (18 e 13% respectivamente), así como nas liñas de hortalizas baixo cuberta e hortalizas primavera e verán, nas que tamén se observan resultados positivos na contratación. Nestas últimas, os datos son preliminares por permanecer aberta a contratación a data da elaboración da análise.

No ámbito gandeiro, todas as liñas mantéñense abertas, destacando os bos resultados da liña de vacún reprodutor e de gandería intensiva. Con todo, en liñas de vacún de cebo, ovino e equino continúa a tendencia descendente.

enesa_seguros_01

Tras o comezo da nova plataforma, o 1 de xuño, entraron en vigor novas modalidades e observouse unha estabilidade na contratación do seguro de compensación por perda de pastos e na liña de retirada e destrución de animais mortos.

Cultivos forraxeiros

Nesta liña asegúranse os cultivos forraxeiros, os pastos aproveitables a dente polo gando e a palla de cereais de inverno, aínda que as producións máis destacadas son a alfalfa, a veza forraxeira e o millo forraxeiro. As Comunidades Autónomas nas que a alfalfa alcanza maior importancia son Castela e León e Aragón. Así mesmo a veza forraxeira cultívase fundamentalmente en Castela e León e o millo forraxeiro está localizado maioritariamente en Galicia.

Unha vez pechada a contratación do Plan 2015, correspondente á colleita do ano 2016, asegurouse unha superficie de 46.505 hectáreas e unha produción de máis de 698.300 toneladas, que representan un incremento, respecto ao plan anterior, do 9 e 24% respectivamente.

As comunidades autónomas con maior capital asegurado son Aragón, Galicia, Estremadura, Castela e León e Cataluña , co 36, 20, 20, 16 e 8%, respectivamente, do total nacional. As comunidades autónomas nas que se rexistrou un maior aumento da produción asegurada, con respecto ao Plan 2014, son Estremadura, Aragón e Galicia, cun incremento do 125, 83 e 50%, respectivamente.

En canto ao aseguramento por Módulos, preto do 52% da superficie asegurada contratouse no Módulo P, un 47,9% no Módulo 2 , mentres que no Módulo 1 practicamente non hai contratación

Vacún reprodutor

As tres liñas que incorporaron a partir de xuño deste ano nunha soa denominada gando bovino de reprodución e produción mostran unha contratación consolidada, en considerable crecemento relativo para a liña 185 (un 44% máis) e repuntando outra vez na maioritaria 102 (+10%). Por CCAA a 185, sobe especialmente en Andalucía, Estremadura e Castela e León e unicamente mostra un lixeiro descenso en Galicia. A liña 102, con coberturas de danos máis individualizadas, ascende en Andalucía, Asturias e Cantabria, e con menos forza en Galicia e Castela e León. A liña de vacún de alta valoración xenética rexistra así mesmo avances nos animais asegurados para case todas as CCAA, con excepción de Asturias.

enesa_seguros_02

Descarga aquí o informe completo

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información