As cotizacións deste martes da Central Agropecuaria de Galicia, en Silleda, caracterizáronse pola lixeira suba do vacún maior e nos tenreiros de recría, os de raza Frisona recuperan os prezos mentres que os de cruzamento industrial baixaron.
Así, nos tenreiros para recría de raza Frisona, os de menos de 20 días pagáronse a unha media de 105 euros; a 119 € os de 21 a 50 días -a categoría máis numerosa-, e a 127 euros os de máis de 51. A pasada semana os prezos foron de 90, 119 e 129 €, respectivamente.
En canto aos becerros de recría de cruzamento industrial, os machos de menos de 20 días pagáronse a unha media de 271 euros; a 275 € os de 21 a 50 días, e a 386 euros os de máis de 50. A pasada semana os prezos foron de 344, 310 e 385 €, respectivamente.
No vacún maior os prezos rexistraron unha leve suba, agás na Categoría Primeira, na que pasaron de 1.136 euros a 1.109, mentres que as vacas de Segunda, a categoría máis numerosa das tres, se recuperou dos 697 euros da semana pasada a 726 €. As vacas de desvelle tamén subiron ata os 429 euros.
As cotizacións quedaron do seguinte xeito:
Suba nos ovos e do coello
Polo que respecta ás mesas de prezos, nos ovos acordouse subir os prezos un 0,02% para as categorías XL e L e un 0,01% para as M eS. deste xeito, a ducia de ovos quedou nos 1,57 € para os XL; 1,35 € a ducia para a categoría E; 1,21 para a M, e 1,06 € a ducia para os de clase S.
Nos coellos, non houbo cotización. En Madrid, por primeira vez en varios meses subiron un 0,2% ata os 1,50 €/kilo.
Baixada no porco cebado
En porcino, a mesa de prezos acordou unha semana máis baixar as cotizacións unha media do 0,02% nas categorías Normal e Selecto, e un 0,026% na Canle II, mentres que a categoría de Desvelle segue igual. Pola contra, en Europa, en Holanda e en Alemaña subiron os prezos do porco cebado un 0,03% e un 0,06%, respectivamente.
En canto aos leitóns acordouse subir os prezos despois de varios meses de baixadas, que quedaron nos 22 euros os procedentes de varias explotacións e nos 27 euros os procedentes dunha única explotación.
As cotizacións de porcino cebado quedaron do seguinte xeito: