“Semana Máis que Mel” do 15 ao 19 deste mes en Santiago

Publicidade
“Semana Máis que Mel” do 15 ao 19 deste mes en Santiago

Presentación da “Semana Máis que Mel”

Do 15 ó 19 de novembro de 2022 terá lugar en Santiago de Compostela a “Semana Máis que Mel”, un evento cun amplo programa de actividades para todos os públicos, no que se falará sobre cultura, medioambiente e saúde arredor do mundo das abellas e dos seus produtos.

Oganizadas polo colectivo Máisquemel, as actividades realizaranse entre o Museo de Historia Natural da USC e a Biblioteca Pública Anxel Casal.

A semana comezará cunha visita guiada na exposición Apiarte, o martes 15 de novembro. Esta mostra, instalada na Biblioteca Anxel Casal durante todo o mes de novembro. inclúe pintura, escultura e artesanía creada arredor do mundo das abellas, e vai acompañada por unha selección de diferentes colmeas do mundo e outros materiais didácticos. Ese mesmo día, Suso Asorey, biólogo e activista en defensa das abellas, falará de apicultura urbana, unha práctica en auxe a nivel mundial, e o xoves 17 a IXP Mel de Galicia ofrecerá unha cata de meles coa que descubrir o amplo abano de cores e sabores dos meles galegos, seguida dunha charla a cargo da farmacéutica Rosa Vázquez, sobre as múltiples propiedades dos produtos da colmea.

No Museo de Historia Natural, o mércores 16 de novembro, os biólogos, Marcos González, director do museo, e José Carlos Otero, entomólogo e autor de “La vida secreta de los insectos”, exporán a problemática do declive dos insectos e amosarán a riqueza e diversidade destes animais. A tarde do venres 18 haberá obradoiros infantís nos que aprenderán a importancia dos polinizadores e a necesidade de protexelos e coidalos, así como valorar todo o que aportan.

Para rematar a semana, o sábado 19 haberá unha visita de apiturismo ó Museo O Enredo do Abelleiro, en Arzúa, na que acompañarán como guías o seu fundador, Isidro Pardo, e Suso Asorey.

Para participar na Semana Máis que Mel é necesario inscribirse antes do 14 de novembro en info@maisquemel.gal ou por tel. 981 589 534. Para máis información: www.maisquemel.gal

programa mais que mel

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información