Galego
A Comisión Europea acaba de publicar un informe sobre a evolución do prezo das producións agrarias e dos principais insumos agrícolas correspondente a xaneiro deste ano, e no que se mantén a tendencia alcista tanto dos cereais como dos fertilizantes.
En concreto, no caso dos cereais, a soia cotizouse en xaneiro na Unión Europea a 434,6 euros a tonelada, un 5,8% máis que en decembro do pasado ano. Máis acentuada foi a subida do millo, un 11%, e sitúase nos 216,6 euros tonelada. Idénticas subas mensuais para a cebada e o trigo brando, que se cotizaron o pasado mes a 214,8 e 229,8 euros a tonelada, respectivamente.
Subida dos fertilizantes
Os fertilizantes tamén acumulan un importante encarecemento: A urea cotizouse en xaneiro a 265 euros, un 8,2% máis que en decembro, e acumula unha subida interanual do 23%. O fósforo tamén acumula importantes subidas nos mercados internacionais.
