Galego
A 46ª Feira Internacional Abanca Semana Verde de Galicia, que se celebra ata o domingo, foi o escenario xa de dez concursos morfolóxicos das razas autóctonas de Galicia en perigo de extinción. Estes eventos foron organizados pola Federación de Razas Autóctonas de Galicia (Boaga) e a Asociación de Criadores da Raza Porcina Celta (Asoporcel).
En canto aos concursos de bovinos, participaron 14 ganderías en cinco categorías. No XI Concurso da Raza Cachena, o primeiro posto foi para Truana, de Finca A Ferreira de Val do Dubra, o segundo para Choiva, de Fernando López de Mondoñedo, e o terceiro para Merla, de Marco Vázquez de Ourol.
No X Concurso da Vianesa, o primeiro lugar foi para Bora, de Estefanía Puga de Baños de Molgas, e o segundo para Visa, de María Concepción Gómez de Maceda. No IX Concurso de Caldelá, gañou Camelia, de Juan Manuel Lage de Maceda; o segundo lugar foi para Chupada, de Roberto Louzán de Cerdedo-Cotobade, e o terceiro para Cebada, de Alejandro Salvatierra de A Pontenova.
No VIII Concurso Morfolóxico da Limiá, o pódium estivo composto por Bragada, de Ganadería Balín de Verea; Lucía, de Ganadería Costoya de Mesía, e Leira, de David López de Cervo. No VI Concurso da Frieiresa, a campioa foi Feira, de Gonzalo Seoane de Vilalba, e a subcampioa Fanática, de Roberto Louzán de Cerdedo-Cotobade.
No 9º Campionato Galego da Galiña de Mos, participaron 20 criadores de distintos puntos de Galicia. Na sección por lotes, o gañador foi Óscar Rodríguez de Mos, o segundo lugar foi para Lourdes Mullet de Lalín e o terceiro para Álvaro Rodríguez de Mos.
De forma individual, na categoría de galos, o gañador foi un exemplar de José Luis Freire de Pol, seguido por un de Francisco José Monasterio de Vilalba, e o terceiro foi para un de Sandra López de Láncara. Na categoría de galiñas, os tres primeiros postos foron para exemplares de Luís Fernández de Riotorto, Óscar Rodríguez de Mos e José Zapata de Castro de Rei.
As razas Ovella Galega e Cabra Galega celebraron a cuarta edición da súa competición, con nove criadores. No concurso de Ovella Galega, centrado en femias, o primeiro lugar foi para un animal de Finca A Tellada de Nogueira de Ramuín, o segundo para un de Montes de Boado de Xinzo de Limia, e o terceiro para un de Luis Fernández de Riotorto.
No concurso de Cabra Galega, o primeiro e terceiro posto foron para femias de Dolores García de Toques, mentres que o segundo foi para unha de Jaime Fernández de Cerdido.
No VI Concurso Morfolóxico do Porco Celta, organizado por Asoporcel, participaron 56 animais de 30 ganderías das catro provincias galegas. Na categoría de femias reprodutoras, venceu un animal de Lembraeco S.L. de Palas de Reis, seguido dun de José Vega de Castro de Rei e outro de Iván Uz de A Pastoriza. Na categoría de machos, o gañador foi un porco de Granxas de Lousada de Irixoa, seguido dun de Carmen García de Vila de Cruces, e o terceiro foi para un de Diego Díaz de Lugo.
Na categoría de recría, o vencedor foi un exemplar de Celso Toimil de Lalín, seguido dun de Pablo Cabodevila de Riotorto e un de Finca O Peñasco de A Laracha.
O concurso morfolóxico do Cabalo de Pura Raza Galega celebrarase o vindeiro sábado no marco da feira.
Control OJD
