Recuperación do prezo dos becerros de recría en Silleda

Nas mesas de prezos acordouse subir as cotizacións do porco cebado e dos leitóns. Baixan os ovos e o coello. Cotizacións da Central Agropecuaria de Galicia do 26 de xaneiro.

Recuperación do prezo dos becerros de recría en Silleda

As cotizacións deste martes da Central Agropecuaria de Galicia caracterizáronse polas suba nos prezos dos tenreiros de recría, principalmente no de raza Frisoa, mentres que o vacún maior mantívose estable.

Deste xeito, nos tenreiros de Frisoa, os machos de menos de 20 días pagáronse a unha media de 75 euros, fronte aos 69 do pasado martes. Con todo, a cifra representativa, é a dos de 21 a 50 días, con diferenza a categoría máis numerosa, onde a media foi de 97 euros por xato, fronte aos 94 da semana pasada. E nos tenreiros de máis de 51 días: 142 euros de media por animal fronte aos 129 do pasado martes.

Nos tenreiros de recría de Cruzamento industrial a tendencia foi tamén lixeiramente á suba, excepto nos machos de 21 a 50 días, que se pagaron a unha media de 371 euros, fronte aos 376 do pasado martes. Pola contra, as femias revalorizáronse 4 euros de media. Nos de menos de 20 días o prezo medio foi de 330 euros e nos de máis de 51 situouse esta xornada nos 465. A pasada semana os prezos foron de 288 e 462 €, respectivamente.

No vacún maior os prezos medios mantivéronse estables cun lixeiro repunte nas categorías de segunda e de desvelle. Deste xeito quedaron en 1.066 euros de media en categoría primeira, 727 en segunda e 446 nas de desvelle. A pasada semana as cotizacións foron de 1.109, 715 e 436 euros, respectivamente.

As cotizacións quedaron da seguinte maneira:

COTIZACIONS_vacun_SILLEDA_26-01-16

Ovos e coello á baixa

Polo que respecta ás mesas de prezos, nos ovos acordouse unha nova baixada de prezos en todas as categorías: a ducia de XL baixou un 0,30% ata os 1,17 euros; a L un nos 1,07 euros a ducia; a categoría M caeu ata os 0,97 euros mentres que para a S acordouse 0,87 euros por ducia de ovos, tanto brancos como mouros.

Nos coellos, non houbo cotización. En Madrid, onde se marcan os prezos para Galicia, os prezos baixaron un 0,01% ata os 1,30 €/quilo, marcando de novo prezos mínimos.

Soben o porco cebado e os leitóns

A mesa de prezos tamén acordou hoxe subir as cotizacións do porco cebado Deste xeito, a categoría Selecta sube un 0,01% ata os 0,925 euros por kilo; idéntica suba se acordou para a categoría normal, que se sitúa nos 0,90 euros por kilo, mentres que para o Canal II a suba acordada foi do 0,013%, ata os 1,169 euros por kilo. En Alemaña, o referente europeo para os prezos do porcino, as cotizacións mantivéronse estables nos 1,31 euros o quilo.

En canto aos leitóns acordouse unha semana máis subir os prezos, desta vez un 2%. Deste xeito quedaron nos 40,5 euros os procedentes de varias explotacións e nos 45,5 euros os procedentes dunha única explotación.

Os prezos do porcino quedaron da seguinte maneira:

COTIZACIONS_PORCINO_SILLEDA_26-01-16

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información