Que facer na horta en setembro?

Setembro representa un descanso na horta tralo intenso traballo dos meses de verán. Velaquí algúns consellos.

Publicidade
Que facer na horta en setembro?

Setembro é un mes de transición que tan ben pode ser un mes caloroso de verán serodio, como ven acontecendo en Galicia nos últimos anos, como o preludio do outono con choivas e algunha ventada fría.

Velaquí van algúns consellos xerais:

Podemos empezar a sementar os abonos verdes, incluídos os nabos, nas parcelas nas que a partir da primavera plantaremos plantas esixentes en nutrientes como o millo, as patacas ou os tomates.
Podaremos as partes altas das tomateiras para que toda a enerxía das plantas se concentre nos froitos e maduren antes da chegada do frío e das choivas.

Empezaremos a preparar o compost que utilizaremos nas plantacións de primavera ou de finais do inverno (cebolas e allos).

Seguiremos plantando todo tipo de horta de inverno até mediados de mes: repolo, brócoli, couveflor, lombarda…etc.

Tamén podemos plantar leitugas de inverno e escarolas, que agradeceremos como ensalada nos meses de inverno.

Nas zonas máis cálidas de Galicia, como Ourense e Pontevedra, setembro é boa época para empezar a plantar fabas lobas.

Se temos plantada xa horta un bo método para evitar o crecemento das malas herbas e favorecer o crecemento das plantas é o acolchado con herba.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información