Programa das XVIII Xornadas Técnicas de Vacún de Leite de Seragro, que se celebrarán de xeito online

Os encontros virtuais terán lugar os días 18 de setembro, 18 e 19 de outubro e 18 e 19 de novembro e abordarán as instalacións e o benestar, a saúde desde o primeiro día ou a economía e nutrición, entre outros temas

Las jornadas de Seragro se celebraban habitualmente en el auditorio de la Facultad de Veterinaria de Lugo

As xornadas de Seragro celebrábanse habitualmente no auditorio da Facultade de Veterinaria de Lugo

Seragro SCG pecha o programa das XVIII Xornadas Técnicas de Vacún de Leite que se emitirán de forma on-line. As citas serán o 18 de setembro, 18 e 19 de outubro e 18 e 19 de novembro. Todas as xornadas serán en horario de tarde de 15:30 a 18:00 horas. Para asistir, pódese inscribir a través da páxina web do evento.

O primeiro módulo (18 de setembro) abordará as Instalacións e benestar. Influencia na produción. Abrirá o veterinario do Servizo de Alimentación de Seragro, Juan Luis Mosquera Gómez, seguirá o veterinario especialista en recría do Servizo Técnico de MSD AH, Carlos Carbonell Baeza, e pechará o responsable do Programa de Eficiencia Produtiva MID€S de Calidade Pascual, Carlos Romero Sala.

O segundo módulo (18 de outubro) tratará o Uso responsable de antibióticos. Unha necesidade e un beneficio. Nesta ocasión intervirán a coordinadora nacional do PRAN, Cristina Muñoz Madero, o veterinario e profesor de Sanidade e Benestar do Gando (Universidade Estatal de Michigan, EE.UU), Ángel Abuelo Sebio, e a veterinaria do Servizo de Calidade do Leite de Seragro, Margarita Penelas López.

O terceiro módulo (19 de outubro) céntrase na Economía e nutrición. Nesta sesión falarán o enxeñeiro agrónomo do Servizo de Xestión Técnico-Económica de Seragro, Alejandro Aneiros Martínez, o enxeñeiro agrónomo, especialista en nutrición e asesor independente (Holanda), Albart Coster, e o veterinario especialista en ensilado de forraxes, Alexandre Udina.

O cuarto módulo(18 de novembro) será o turno da Saúde desde o primeiro día. Nesta quenda, repite o veterinario Ángel Abuelo Sebio, e tamén falará o encargado do Servizo de Podoloxía de Seragro, Juan José Sánchez López.

No último módulo (19 de novembro) falarase sobre o Medio ambiente e sostibilidade da produción láctea. Será o turno do profesor de Ciencia Animal e Tecnoloxía (UPV), Fernando Estellés Barber; o investigador científico do CSIC, David Yáñez Ruíz, e o investigador do Serida, Fernando Vicente Mainar.

Para concluír, o catedrático de Biotecnoloxía da UPV e divulgador científico, J. M. Mulet, dará unha charla de Mitos sobre saúde e sostibilidade asociados ao consumo de leite. As sesións finalizarán cun brinde do leite.

Programa Completo: 

programa xornadas Seragro 2021-1programa xornadas Seragro 2021-2programa xornadas Seragro 2021-3

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información