Produtores, matadoiros e industria achegarán o mesmo a Intercun: 0,004 euros por quilo de coello

Produtores, matadoiros e industria achegarán o mesmo a Intercun: 0,004 euros por quilo de coello

Granxa de coellos

O Consello Xeral de Organizacións Interprofesionais Agroalimentarias (OIAs) informou favorablemente este martes á modificación da extensión de norma no sector cunícola.

Mediante esta modificación establécese a nova contía das achegas económicas obrigatorias no sector, reducindo a contribución da rama da produción e elevando ata a paridade a achega dos matadoiros e a industria, de forma que a contía da achega económica quede fixada en 0,004 euros por cada quilogramo de coello para cada unha das ramas que integran a interprofesional. Este acordo supón un paso adiante para normalizar as relacións entre produtores cunícolas e matadoiros no seo de Intercun.

Esta modificación da contía das achegas económicas obrigatorias, fundaméntase na desigualdade no financiamento das accións obxecto da extensión de norma entre o sector produtor e o transformador-comercializador, e na situación complexa pola que atravesa o sector, causada entre outros factores polo descenso do consumo da carne de coello e o aumento da produción.

Os recursos económicos xerados continuarán destinándose ás mesmas finalidades previstas na Orde AAA/1102/2014 ata a finalización da súa vixencia o 30 de xuño de 2017: promoción do consumo da carne de coello; investigación, desenvolvemento e innovación tecnolóxica, mellora do status sectorial e favorecer o seguimento da cadea alimentaria e as boas prácticas entre os partícipes da cadea de valor.

As actuacións desenvolvidas grazas á extensión de norma resultan de gran interese e importancia para todo o sector, e permiten promocionar o consumo de coello, transmitindo á consumidores información sobre os beneficios do consumo desta carne que ten unha gran tradición gastronómica na dieta mediterránea.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información