Dentro dos actos organizados en Moexmu, celebrouse este sábado en Muimenta (Cospeito-Lugo) unha nova poxa de gando frisón, organizada por Africor Lugo, onde se presentaron dezasete animais dos que se venderon quince.
Segundo informa Africor Lugo, o prezo medio foi de 2.027€, cun rango de prezos dos 1.650€ aos 2.750€. Os animais foron para distintos puntos da provincia de Lugo e Pontevedra. O único macho presentado, foi vendido en 1.900€, un fillo de Rei Judi Doorman, vaca que foi elexida Vaca Nova Campiona do Concurso. A primeriza que acadou o prezo máis alto foi a presentada pola gandería Caseiro de Ernes, de Cospeito, unha filla de Atwood, con nai Windbrook, BB83.