Prezo de récord por partida triple en Silleda

Tres becerros carniceiros acadan máximos históricos ó venderse por máis de 1.870 euros. Un deles logra os 2.026 euros. Nesta xornada conséguense tamén cifras de récord no prezo medio da recría e na sección de tenreiros de cebo

Prezo de récord por partida triple en Silleda

Becerro de cebo que acadou esta mañá un prezo de 2.026 euros, o que o converte no mellor prezo nesta categoría no mercado.

A Central Agropecuaria de Galicia-Abanca continúa a superar os seus récords. Así, hoxe fíxoo con tres novas marcas en dúas categorías. Por unha banda, rexistrou o maior prezo pagado por un exemplar de becerro carniceiro por partida triple. Se o récord estaba ata hoxe nos 1.807 euros pagados por un exemplar o pasado 10 de xaneiro, hoxe tres exemplares foron adquiridos por 1.870 euros, 1.876 euros e 2.026 euros.

Deste xeito, a partir de hoxe o récord do mercado nesta categoría sitúase nestes 2.026 euros, cantidade pagada por un macho mestizo pertencente a unha gandería de Narón (A Coruña). O animal foi adquirido polo carniceiro Luis Fontán Lago, de Ribadumia (Pontevedra).

Prezos medios máximos

Por outra banda, este martes acadáronse os mellores prezos medios da historia da Central en becerros de recría e becerros carniceiros. Nos primeiros situouse nos 339,45 euros. Superouse así os 316,87 euros da semana pasada, cando o volume de transaccións fora o segundo maior desta categoría na Central, tralos 227.100 euros rexistrados o 31 de xullo de 2018.

En canto aos becerros carniceiros, o prezo medio foi de 1.073,25 euros, de maneira que se superan os 1.072,60 euros do pasado 3 de xaneiro nos que se situaba ata hoxe o récord.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información