Galego
O recinto gandeiro de Pedrafita do Cebreiro acolle este domingo unha poxa de cinco xovencas preñadas, organizada pola Asociación de Criadores de Raza Rubia Galega (ACRUGA). Poñerase poxar desde as 12.00 da mañá por estes cinco exemplares, de entre 24 a 28 meses de idade e preñadas de 7 e 8 meses.
Trátase de xovencas que proceden do centro de recría da granxa Gayoso Castro, dependente da Deputación de Lugo, que foron seleccionadas previamente polas súas cualidades. As poxas terán un prezo de saída de 2.000 euros, e os compradores contarán como incentivo coas axudas á compra de 200 euros por exemplar de Caixa Rural.
Para poder tomar parte na poxa, que arrincará ás 12.00 horas, os interesados en poxar por algún destes cinco exemplares poderán retirar a súa tarxeta correspondente desde as 11.00 da mañá, no mesmo recinto gandeiro.
Na anterior poxa, celebrada en abril deste ano, dúas das cinco xovencas adxudicáronse en 2.650 euros, moi por riba do prezo de saída e o prezo que alcanzaron os exemplares foi de 2.350 euros.
