Galego
A poxa organizada pola Asociación de Criadores de Rubia Galega en Rodeiro (Pontevedra) saldouse con 6 animais adxudicados a unha media de 2.533 euros. Entraron na poxa sete animais de Acruga, dos que unha xovenca quedou deserta, e dúas xovencas de gandeiros particulares, das que unha tampouco se vendeu.
As xovencas de Acruga cotizaron a unha media de entre 2.300 e 2.500 euros, en tanto o macho vendeuse a 2.800 euros. A outra xovenca da poxa, presentada por un particular, acadou 2.950 euros, o valor máis alto da mañá.
O presidente de Acruga, César Dorado, amosouse satisfeito pola participación da asociación, a primeira nesta feira.
En paralelo á poxa celebrouse un concurso gandeiro, con 15 premios en cinco categorías por un importe total de 6.000 euros. Os principais premios foron para ganderías lucenses, como a de José Antonio Ferreira Palacios, que se fixo con tres primeiros e un segundo premio; ou Ganadería La Morena, cun primeiro premio, dous segundos e un terceiro.
Ganadería Santalla logrou un segundo e terceiro premios, mentres que Pena Guisande e María Luisa Lago obtiveron outras distincións.
Control OJD
