Poxa de gando frisón o vindeiro sábado en Chantada

O vindeiro sábado, 15 de marzo, celebrarase no concello lugués de Chantada a Poxa de Gando Frisón, organizada por Africor Lugo, o concello chantadino e a cooperativa AIRA.

A poxa celebrarase no Mercado Gandeiro a partir das 12:00 horas. Ao longo dos próximos días publicarase o catálogo dos animais que concorrerán á poxa.

Dende Africor Lugo salientan as vantaxes que estas poxas teñen para os vendedores:

Poxas publicitadas
O venres van buscar o animal e o sábado cobrar a poxa, Africor encargase de realizar as probas sanitarias, pelar e coidar os animais na feira.
Valorización do traballo de selección, presentación dos datos xenealóxicos
Animais lavados e pelados para potenciar a súa morfoloxía.
Concentración de compradores
Publicidade para a gandería

Pero tamén para os compradores:

Concentración da oferta
Garantías sanitarias
Animais procedentes de explotacións cercanas
Información xenealóxica completa
Transporte gratuíto para as ganderías da provincia de Lugo
Doses gratuítas por xentileza de Xenética Fontao