Piden a supresión dos aranceis para os fertilizantes importados

Piden a supresión dos aranceis para os fertilizantes importados

Reunión entre UPA e a IFA

Que a Unión Europea suprima os aranceis para os fertilizantes importados para abaratar o seu custo para gandeiros e agricultores. Está é a medida que están a impulsar dende a COPA, a organización de cooperativas europeas, e que este martes abordaron nunha reunión en Madrid a Comisión Executiva do sindicato UPA cunha delegación da Irish Farmer´s Asossociation (IFA), a asociación dos gandeiros irlandeses.

Ambas organizacións coincidiron en que se se liberalizou o comercio de leite entre a UE e o resto do mundo, tamén debería facerse o mesmo cos fertilizantes, para que isto redunden en menores custos para os gandeiros.

Na reunión tamén abordaron os prezos dos fertilizantes e a situación do sector lácteo en España e en Irlanda. Canto ao primeiro, segundo explica o secretario de Gandería de UPA, Román Santalla, “en Irlanda utilizan o 89% do fertilizantes para producir herba e pasto para as vacas, utilizando moito máis de abono nitroxenado por hectárea que en Galicia”. En canto aos prezos, o nitróxeno cunha riqueza do 27% está en Irlanda en torno aos 200 euros por tonelada de prezo de compra, mentres en Galicia o prezo anda entre 280 e 290 euros por tonelada. A urea en Galicia rolda 330 euros por tonelada para o produtor, e en Irlanda anda arredor do 300 euros por tonelada.

Situación do sector lácteo en Irlanda

En canto aos prezos, segundo explica Román Santalla “o que nos transmitiron é que os gandeiros tamén están a pasar por un momento difícil, cunha media de 22 céntimos por litro, o que está facendo que volvan ao sistema tradicional de pastoreo e de mínimos gastos para baixar os custos de produción”. A súa previsión é que os prezos se recuperen nos próximos meses, axudados pola alza nas cotizacións mundiais da manteiga, un produto do que Irlanda é un gran exportador.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información