Galego
O Consello de Ministros aprobou este martes un Real Decreto-Ley (publicado hoxe mércores no BOE) polo que se adoptan medidas urxentes complementarias no ámbito social e económico para facer fronte ao Covid-19, que reforzan as anteriormente adoptadas e que inclúen a cooperativas agrarias e a producións estacionais, como os produtores de flor ornamental, en difícil situación nestes momentos.
Para as cooperativas establécese unha prórroga de seis meses a contar desde que finalice o estado de alarma para o reintegro das achegas aos socios cooperativos que causen baixa durante a vixencia do estado de alarma.
No caso das producións agrarias de carácter estacional, como a flor cortada, poderán optar a prestacións por cesamento de actividade cando a súa facturación media nos meses de campaña se vexa reducida polo menos nun 75% en relación cos mesmos meses da campaña do ano anterior.
Aprázase a presentación das contas anuais das cooperativas
No marco deste real decreto, especifícanse actuacións dos órganos de goberno e de administración de asociacións, sociedades civís e mercantís, consellos reitores das sociedades cooperativas e de padroados de fundacións, establecendo a posibilidade de organizar xuntas por videoconferencia con votación por escrito, aínda que os estatutos non o prevesen.
Tamén queda suspendido o informe de xestión e demais documentos esixibles, segundo a lexislación de sociedades, ata que finalice o estado de alarma, renovándose de novo por outros tres meses a contar desde esa data, e determínanse prazos para a aprobación das contas do exercicio anterior.
Igualmente establécese unha prórroga de seis meses, a contar desde que finalice o estado de alarma, para o reintegro das achegas aos socios cooperativos que causen baixa durante a vixencia do estado de alarma.
Redución do 75% na facturación para poder acollerse a prestacións por cesamento de actividade
No caso das prestacións extraordinarias por cesamento de actividade, que se regula no Real Decreto-ley 8/2020, de 17 de marzo, polo que se declara o estado de alarma, recóllense algunhas puntualizacións e así, para as producións agrarias de carácter estacional, como a flor cortada, establécese que poderán optar a esas prestacións cando a súa facturación promedia nos meses de campaña de produción se vexa reducida, polo menos, nun 75% en relación cos mesmos meses da campaña do ano anterior.
A acreditación da redución da facturación realizarase mediante a achega da información contable que o xustifique, podendo facerse a través da copia do libro de rexistro de facturas emitidas e recibidas; do libro diario de ingresos e gastos; do libro rexistro de vendas e ingresos; ou do libro de compras e gastos.
