Galego
Data inicio: 11/06/2021
Data fin: 26/06/2021
Lugar: Sala de usos múltiples de Teixeiro, Curtis
A Cooperativa Arabías, entidade sen ánimo de lucro, organiza este verán unha nova edición da súa Escola de apoderamento feminista para mulleres que habitan o rural, EspadEla. Logo do éxito da iniciativa noutras localidades, esta cuarta edición desenvolverase en Teixeiro, Ordes e Sobrado. Para a organización deste ciclo de actividades, a cooperativa conta coa colaboración da Secretaría das Mulleres do Sindicato Labrego Galego.
Neste mes de xuño levaranse a cabo tres encontros en cada un dos municipios que logo continuarán coa escola no terceiro trimestre do ano. Os obradoiros centraranse en tres liñas formativas:
CON VOZ PROPIA
Obradoiro para traballar arredor da autoestima, da participación, do liderado e da prevención de violencias machistas. Abórdase o recoñecemento persoal das mulleres como suxeitos de dereitos políticos, sociais e civís.
HABITANDO O NOSO CORPO
Obradoiro para traballar arredor do autocoñecemento, o autocoidado e a expresión emocional. Utilizarán ferramentas da Biodanza, da Atención Plena e do ioga integral, como medios para chegar a esa conexión sempre dende o goce e o autocoidado.
OS NOSOS SABERES
Obradoiro para recuperar e poñer en común saberes, coñecementos e experiencias das mulleres sobre os diversos traballos que desenvolveron ao longo da súa vida, así como do territorio que habitan.
Datas e inscrición
En Sobrado, os obradoiros iniciáronse o pasado día 4 e retomaranse este venres 11 e o 18 de xuño, en horario de 16.30 a 18.30 horas. Os encontros celébranse na Escola das Casiñas.
No caso de Teixeiro o ciclo arranca este sábado día 12 e continúa os días 19 e 26 de xuño en horario de 11.00 a 13.00 horas na sala de usos múltiples de Teixeiro, no concello de Curtis.
Os obradoiros en Ordes terán lugar o sábado 12 de 11.00 a 13.00 horas e os venres 18 e 25 de xuño de 16.00 a 18.00 horas. Neste caso, aínda está por concretar o lugar onde se celebrarán.
As mulleres que queiran saber máis sobre este proxecto poden escribir a arabias.coop@gmail.com ou chamar aos teléfonos: 619457324 / 649509806.
Control OJD
