Galego
O Instituto Galego de Promoción Económica (Igape) organiza o próximo martes 14 de xullo un seminario online dirixido a firmas do sector agroalimentario. A actividade enmárcase na nova convocatoria do programa Re-acciona, que pretende dar ferramentas para mellorar a competitividade das empresas. Nesta iniciativa os participantes poden elixir entre un total de 15 servizos.
O seminario celébrase para que as empresas do sector agroalimentario coñezan en detalle os servizos incluídos nos eixos de Estratexia e Profesionalización, que serán os que se aborden na sesión telemática. A formación impartirase a partir das 12.30 horas e contará coa colaboración do Clúster Alimentario de Galicia (Clusaga).
Detallamos o programa da sesión telemática A profesionalización e a estratexia, piares para reforzar o sector agroalimentario:
-12:30 horas. Benvida IGAPE
-12:35 horas. Presentación a cargo de Roberto Alonso, Xerente do Clúster Alimentario de Galicia (Clusaga).
-12:40 horas. Servizos de Desenvolvemento estratéxico. Isabel Álvarez, de DPI Estrategia
-12:50 horas. Servizos incluídos no bloque de Profesionalización, con especial fincapé no servizo de Relanzamento comercial. Pilar Blanco, de Exportrends.
-13:00 horas. Experiencia empresas Re-acciona sector agroalimentario:
-Calabizo (Servizo: Análise de potencial competitivo)
-Edurne Sendra, Directora
-Vinigalicia (Servizo: Preparación de procesos certificables)
-Ana Rúa, Responsable do Departamento de Calidade
– Accede aquí ó formulario de inscrición da xornada.
