Galego
O Grupo Lactalis, o maior fabricante de produtos lácteos a nivel mundial, completou a certificación de 900 gandarías en benestar animal, converténdose así na empresa láctea española con máis granxas certificadas en benestar animal. Ademais, o equipo de campo de Lactalis regresa hoxe ao terreo, tras o relaxamento das medidas de confinamento, para seguir traballando co obxectivo de certificar en benestar animal a todos os seus gandeiros nos próximos dous anos.
O leite destas 900 granxas certificadas, situadas na súa práctica totalidade en Galicia, envasarase nas 2 fábricas que o Grupo Lactalis ten situadas nesta mesma comunidade, concretamente en Nadela e Vilalba.
A certificación Welfair™ avala ante os consumidores que o leite foi obtido de vacas que viven en condicións eticamente responsables de benestar, conforme aos protocolos establecidos nos proxectos europeos Welfare Quality e AWIN (Animal Welfare Indicators).
Welfair™ é actualmente a certificación máis rigorosa en España, que avalía catro principios básicos para o animal: a súa boa alimentación, a comodidade do aloxamento, a súa boa saúde e un comportamento axeitado. Desta maneira, non só se avalía a alimentación ou o espazo onde habitan senón tamén a súa saúde e mesmo o estado emocional do gando.
Esta certificación súmase ao esforzo do Grupo Lactalis por impulsar fórmulas máis sustentables de producir leite, que ten o seu máximo expoñente no leite ecolóxico, unha categoría de produto estratéxica para o Grupo Lactalis e da que foi pioneira hai máis de 20 anos. Actualmente colabora con 80 gandeiros e recolle 20 millóns de litros de leite eco ao ano.
Para Ignacio Elola, Conselleiro Delegado do Grupo Lactalis Iberia, “a certificación de benestar animal reforza o noso compromiso coa sociedade para producir leite de forma máis respectuosa co medio ambiente e os animais. Vimos demostrando o noso compromiso desde 1999 cando apostamos polo leite ecolóxico, que é a opción máis completa do mercado, porque aúna criterios de benestar animal e de pastoreo xunto cunha alimentación ecolóxica do gando”.
Sobre o Grupo Lactalis
Fundado en Francia nos anos 30, o Grupo Lactalis é unha empresa familiar desde fai tres xeracións. Líder mundial dos produtos lácteos, o Grupo conta con 84.000 colaboradores, opera en máis de 260 fábricas en todo o mundo, está presente en 94 países.
En España, o Grupo Lactalis conta con 8 fábricas e 2.500 empregados. Ademais, adquire leite a nivel nacional a máis de 2.200 gandeiros. Entre os seus produtos atópanse marcas como Galbani, Président, Puleva, Lauki, RAM, El Castillo, Gran Capitán, Flor de Esgueva, El Ventero ou Chufi.
