O Goberno non descarta estender as axudas tamén ás ganderías de vacún de carne

O ministro de Agricultura, Luis Planas, consensuará coas organizacións profesionais agrarias, cooperativas agroalimentarias, e as comunidades autónomas o destino dos 193,47 millóns de euros

O Goberno non descarta estender as axudas tamén ás ganderías de vacún de carne

O vacún de carne non se descarta das axudas

O reparto das axudas por valor de 193,47 millóns de euros, que se encaixan no plan de choque contra as consecuencias da guerra en Ucraína, será consensuado entre o Ministerio de Agricultura, as organizacións profesionais agrarias, cooperativas agroalimentarias e as comunidades autónomas para centrarse no apoio aos sectores máis vulnerables. Deste xeito, aínda que desde un primeiro momento a produción láctea se encaixou entre as máis castigadas, desde o Ministerio, non descartan estender as axudas ao vacún de carne.

Do mesmo modo, será este xoves cando o Ministerio pida a opinión ás comunidades autónomas a través dunha reunión telemática do Consello Consultivo. Por este motivo, o ministro animounas a que “arbitren medidas de axuda cos seus fondos propios para fortalecer a resposta á crise”, destacando á súa vez que “se queren complementar os apoios serán benvidas porque a súa actuación é importante para que agricultores e gandeiros sentan confianza”.

A priori, esta liña de axudas, enmarcada na activación do mecanismo de crise aprobado pola Unión Europea para facer fronte ás necesidades do sector, prevé beneficiar a 19.000 explotacións gandeiras, onde se inclúen 11.700 de vacún e a outras 7.300 de gando ovino e caprino.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información