Nutrición integral do millo forraxeiro: Agromaster Start Mini + Agroleaf

A aposta de ICL para millo está baseada nun concepto: optimizar. Por iso é polo que falamos de Agromaster Optimizado. As tecnoloxías usadas no cultivo de millo son Poly-S e E-Max, para encapsular nitróxeno en forma ureica, proporcionando dispoñibilidade para a planta das tres formas de Nitróxeno durante todo o ciclo do cultivo. Deste xeito, a planta pode elixir a forma de Nitróxeno máis conveniente en cada momento e optimizar así os seus recursos.

Vantaxes da aplicación de Agromaster Start Mini
Temos que ter en conta que, como nos comentan moitas das empresas que comercializan herbicidas, hai que loitar contra estas malas herbas resistentes desde varios enfoques e, un deles, é a fertilización localizada na sementeira, poñendo en vantaxe a semente de millo sobre o resto de sementes de malas herbas presentes na parcela.

A fertilización localizada na sementeira permitiranos optimizar os nutrientes e loitar contra as malas herbas

Se realizamos abonados a toda a superficie, sen localizar o fertilizante, estamos a favorecer a proliferación destas malas herbas sobre as nosas parcelas. O máis indicado, por tanto, é fertilizar e nutrir o cultivo que imos implantar, de xeito que sexa o que reciba a maior achega de nutrientes.

Optimización da nutrición
O principio básico de Agromaster é usar as materias primas da maneira máis eficiente posible. Incorporamos para iso a mellor tecnoloxía de liberación controlada, as materias primas máis puras e unha formulación coa maior cantidade posible de unidades fertilizantes por tonelada. O que queremos almacenar, transportar e repartir nas nosas leiras son minerais que alimenten ao noso millo e non materia prima con a penas achega de nutrientes.

A terceira pata para a optimización é a fabricación a medida do fertilizante máis adecuado segundo as analíticas de cada leira.

Tipos de fertilizante localizado para usar na sementeira

Que tipo de fertilizante usar? Desde ICL Specialty Fertilizers a recomendación é utilizar un fertilizante de sementeira de forma localizada, xunto á semente, e que teña unha parte do nitróxeno e do fósforo en forma encapsulada, o que denominamos fertilizantes de liberación controlada.

É moi importante que o nitróxeno nos dure e, tamén, que o fósforo aplicado non se bloquee no chan por un pH elevado. Para iso, ICL conta coa tecnoloxía E-Max, específica para o encapsulado de nitróxeno, e a tecnoloxía Poly-S. Ambas son a clave para que a liberación controlada destes nutrientes sexa eficaz e duradeira

Recomendamos utilizar formulacións altas en nitróxeno e fósforo, como Agromaster Start Mini 21-21-5+Mg, de 2-3 meses de lonxevidade

Dose que debo aplicar
No caso dos fertilizantes de liberación controlada e aplicados de forma localizada, tipo Agromaster Start, podemos aplicar unha dose de 50 kg/ha, algo moi importante á hora de controlar a eficiencia e eficacia dun fertilizante de sementeira.

Aplicar estas doses baixas en sementeira é unha forma de mellorar o medio ambiente e, sobre todo, de evitar a contaminación das zonas xa vulnerables.