A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

New Holland logra o premio ó mellor tractor de España de menos de 100 cabalos

Galardoado o modelo T5.90 DC como mellor tractor de España na categoría de menos de 100 CV e a colleitadora TX5.90 como a mellor do certame Máquina do Ano celebrado en Brasil

New Holland logra o premio ó mellor tractor de España de menos de 100 cabalos

O modelo New Holland T5.90 DC recibiu o título Tractor de España 2022 na categoría de Tractores de menos de 100CV durante o evento celebrado na Escola de Agrónomos de Madrid, con motivo dos premios bianuais que este ano celebraron a IV edición do Premio Tractor de España. Nesta ocasión o xurado técnico estivo conformado por expertos do sector e na maquinaria agrícola, así como profesores universitarios titulares vinculados ao mundo agrícola, contando tamén cunha votación popular de agricultores e clientes.

Esta serie de tractores polivalentes destacan polo seu novo motor de 4 cilindros que cumpre a Fase V de emisións coa solución Compact HI- eSCR2, que integra un catalizador de oxidación diésel (DOC), un inxector de AdBlue (DEF) e un sistema de redución catalítica selectiva (SCR) nun único elemento sen mantemento e situado debaixo do capó.

O xurado valorou todos os aspectos e bondades que ofrece este tractor New Holland, sendo a opción ideal para agricultores e gandeiros de explotacións mixtas, que queren un tractor compacto con maniobrabilidade e moi versátil, cun gran confort e alto rendemento. Ademais, combinado coa pa cargadora New Holland, conta cunhas prestacións excepcionais, polo que se converteu no tractor ideal para traballos de manipulación.

Colleitadora TX5.90, da New Holland, é eleita a Máquina do Ano_614502

A colleitadora TX5.90, de New Holland, elixida Máquina do Ano en Brasil.

Mellor colleitadora de cereal

Doutra banda, New Holland Agriculture foi a gañadora do premio Máquina do Ano coa colleitadora TX5.90, máquina exclusiva para o mercado de Latinoamérica. Este premio foi outorgado durante a 27 edición de Agrishow, en Ribeirão Preto (Brasil), en cuxa entrega estivo presente o Presidente da marca, Carlo Lambro.

Este ano, o premio Máquina do Ano en Brasil tivo 5 categorías de produtos diferentes, 22 empresas rexistradas e 50 máquinas diferentes nomeadas, sendo o modelo TX5.90 de New Holland o máis votado polo xurado técnico e galardoado como a mellor colleitadora de cereal.

Lanzada en 2020, a serie TX parte do ADN da serie de colleitadoras TC, unha das iconas da maquinaria agrícola brasileira pola súa fiabilidade e eficiencia de colleita. Esta máquina é ideal para aqueles clientes que buscan innovación, sen renunciar a unha colleitadora asequible e de baixo mantemento que, ao mesmo tempo, presenta unha alta produtividade e un excelente custo-beneficio.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información