A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

New Holland programa un evento en Silleda o 10 de abril

A marca, conxuntamente cos seus consesionarios galegos, amosará as súas gamas de maquinaria e últimas novidades. O acto está dirixido a agricultores e gandeiros, que terán a posibilidade de participar en concursos de habilidade con máquinas en movemento

Publicidade
Data inicio: 10/04/2018
Data fin: 10/03/2018
Lugar: Feira Internacional de Galicia, Silleda, Pontevedra

RGB básico

New Holland programou un evento expositivo no recinto feiral da Semana Verde, en Silleda, para o martes 10 de abril a partir das 10.30 horas. A asistencia ó acto é libre e está aberta a todos os agricultores e gandeiros. A marca, conxuntamente cos seus concesionarios galegos, amosará no pabellón 1 da Semana Verde as súas gamas de maquinaria, así como as últimas novidades.

As persoas que asistan ó evento tamén terán ocasión de participar en concursos de habilidade con máquinas en movemento. Con esta iniciativa, New Holland busca reforzar a súa imaxe de marca no sector, así como atender as consultas dos profesionais do agro sobre as distintas gamas coas que traballa.

O evento está organizado conxuntamente por New Holland cos seus concesionarios Manto Maquinaria (Lugo), Lois Maquinaria (Noia, A Coruña), Fariña Maquinaria (Carballo), Comercial Agrícola Guerra (Viana do Bolo, Xinzo de Limia) e Coberma (O Bierzo, León).

O acto rematará ao final da mañá, coa presenza dun pulpeiro.

Deixa unha resposta

O teu enderezo electrónico non se publicará Os campos obrigatorios están marcados con *