A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

New Holland amplía a súa serie de tractores T6 no modelo de 6 cilindros cunha versión de 135cv

O T6.160 Dynamic Command aposta pola automatización e a ergonomía cunha combinación perfecta do acreditado motor FPT de 6 cilindros e a exclusiva tecnoloxía de dobre embrague de New Holland. Pensado para a agricultura de precisión, estará á venda para mediados do próximo ano

tractor New Holland NH_T6.160_DC_TOTY_2021_05

New Holland Agriculture amplía a súa recoñecida e polivalente Serie T6 de tractores cunha nova versión con motorización de 6 cilindros: o T6.160 Dynamic Command™. Este tractor único combina o alto rendemento do acreditado motor NEF de 6 cilindros coa exclusiva tecnoloxía de dobre embrague de New Holland para ofrecer unha gran eficiencia e produtividade. Todo iso nun paquete compacto cunha distancia entre eixos de 2,6 metros e un peso máximo autorizado de 10,5 toneladas.

Benjamin Davies, director de márketing de produto global da Serie T6, explica: “New Holland conta cun extraordinario legado neste segmento, que comezou hai máis de 30 anos cando lanzamos o primeiro tractor compacto de 6 cilindros do mercado: o 7810. Iso supuxo unha auténtica revolución, e o novo T6.160 Dynamic Command baséase neste rico legado para ofrecer aos agricultores un tractor compacto de 6 cilindros conforme á Fase V, con tecnoloxía de tratamento totalmente integrada, para unha maior eficiencia operativa”.

A Serie T6 ofrecerá agora dous modelos de seis cilindros con transmisión Dynamic Command: o xa existente T6.180 de 145 cv e o novo T6.160 de 135 cv, o único tractor compacto de 6 cilindros do mercado cunha potencia nominal inferior a 140 cv.

O novo T6.160 de 135 cv é o único tractor compacto de 6 cilindros do mercado cunha potencia nominal inferior a 140 cv

Christel Diebolt, Directora de Marketing de Produto para Europa, engade: “O T6.160 Dynamic Command ofrece todas as vantaxes da exclusiva tecnoloxía de dobre embrague, que fixo o seu acto de presenza nos anos 80 focalizada nos deportes a motor, gañando competicións grazas aos cambios de marcha máis rápidos en pista. Por iso, os clientes New Holland poderán gozar agora plenamente dun traballo sen perdas de par durante o cambio de marcha, e cun mínimo de consumo de combustible”.

Unha combinación perfecta

O T6.160 Dynamic Command incorpora o acreditado e potente motor NEF de 6 cilindros e 6,7 litros, que xera unha potencia nominal de 135 cv e proporciona un excelente rendemento e capacidade de resposta, unha gran estabilidade do motor con cargas variables e un eficaz freado do motor en pendentes descendentes durante as labores de transporte.

O T6.160 Dynamic Command estará dispoñible na segunda metade do próximo ano 2021

Esta nova versión do modelo T6.160 conta coa exclusiva transmisión Dynamic Command 24×24 desenvolvida por New Holland. O seu innovador deseño, con cambio de 8 marchas baixo carga mediante botón, baséase na tecnoloxía de dobre embrague e en cambios robotizados de 3 gamas, garantindo que se traballe sempre na marcha óptima para cada aplicación. Os embragues, deseñados para ofrecer cambios rápidos de marchas, en combinación cunha transmisión totalmente automatizada, establecen sempre a relación idónea e reducen a necesidade de intervención do operador. O resultado é unha alta produtividade cunha menor fatiga do operador.

O motor NEF cumpre as normas sobre emisións da Fase V co sistema de postratamiento de gases de escape “só SCR” de alta eficiencia e libre de mantemento. O motor, en combinación coa transmisión Dynamic Command, sobe o listón en eficiencia, obtendo un aforro de combustible de ata o 9%.

tractor New Holland NH_T6.160_DC_TOTY_2021_02Automatización e ergonomía

Unha serie de funcións automatizadas facilitan as longas xornadas de traballo mantendo unha alta produtividade de forma constante. Entre elas inclúense o sistema de control de xestión da velocidade de avance II (GSM II) exclusivo de New Holland, que foi deseñado para aumentar a eficiencia do tractor mantendo automaticamente a velocidade de referencia definida polo operador, á vez que reduce o consumo de combustible.

O novo modelo é máis eficiente, obtendo un aforro de combustible de ata o 9%

Outra función que incrementa a produtividade é o cambio de gama intelixente, que garante que se accione sempre a marcha correcta ao cambiar de gama, á vez que omite o solapamento de marchas dunha gama á seguinte, o que proporciona relacións secuenciales e unha rápida aceleración.

O T6.160 Dynamic Command tamén incorpora o galardoado reposabrazos SideWinderTM II de New Holland, coa gran pantalla táctil a cor IntelliViewTM IV totalmente integrada, e panca multifunción CommandGripTM, que ofrecen os máximos niveis de confort e facilidade de manexo.

Conectividade avanzada

O sistema telemático do novo T6.160 Dynamic Command permitirá aos agricultores estar sempre conectados co seu tractor a través de MyPLM™ Connect. Coa sinxela interface de usuario baseada en tecnoloxía tablet, poden enviar e recibir información en tempo real.

Tamén poden xestionar os datos das súas explotacións e frotas nunha única contorna, cargando os seus datos agronómicos desde a pestana de explotación dispoñible de forma gratuíta en MYPLM Connect. A plataforma está integrada no portal MYNewHolland, onde poden rexistrar as súas unidades, recibir información e materiais sobre o produto, e solicitar asistencia se fose necesario.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información