Monterrei finaliza unha vendima “excelente” con 4,47 millóns de quilos de uva

Publicidade
Monterrei finaliza unha vendima “excelente” con 4,47 millóns de quilos de uva

Vendimando en Monterrei

A tempada de vendima 2016 na Denominación de Orixe Monterrei finalizou cuns “resultados excelentes e tremendamente satisfactorios, tanto en termos cualitativos como cuantitavos”. Así o valora o presidente José Antonio Da Silva Pereira, que indica “que a uva ten unha calidade excelente, e a redución foi menor da esperada nun primeiro momento”.

Nesta campaña alcanzáronse os 4.470.338 quilogramos (70% variedades brancas e 30% tintas), uns 260.000 menos que na campaña anterior. Esa lixeira redución débese para os efectos causados polo Mildeu no momento da floración, xa que durante marzo e abril foron meses de baixas temperaturas e abundantes precipitacións. Este fungo atacou a todas as variedades, pero en maior medida á Araúxa, Doa Branca, Treixadura e Godello.

Esta circunstancia atrasou o proceso de maduración da uva, e posterior inicio da campaña de vendima, que arrincou o pasado 17 de setembro e concluíu o 22 de outubro. Con todo, a aplicación de tratamentos funxicidas, por parte dos viticultores e adegueiros, permitiu conseguir unha uva nun estado fitosanitario óptimo, tanto en termos de acidez como grao alcohólico.

Sobre a D.O Monterrei

A de Monterrei é unha das cinco denominacións de orixe vinícolas galegas. Confórmana 25 adegas do val de Monterrei, que abarca os municipios de Verín, Monterrei, Vilardevós, Riós, Oimbra e Castrelo do Val. Os viñedos desta D.O ocupan un total de 571 hectáreas de territorio nas que traballan 447 viticultores.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información