Galego
O vindeiro venres. 20 de setembro, dentro das Xornadas Territorios Pastoreados 7 (TP7) + IX Reunión de Outono da SGPF, celebrarase a “Mesa Aberta: A remuda xeneracional da gandería extensiva en Galicia”, coa participación de diversos gandeiros e gandeiras.
O evento celebrarase de 16:30 a 18:00 horas no salón de actos da Escola Politécnica Superior de Enxeñería do Campus Terra.
Nesta mesa participarán:
– Xabier González Maceda, gandeiro de “Cachenas das Ferreirúa”, unha iniciativa der recuperación de usos en terras abandonadas en Pobra de Brollón, Lugo .
– Uxía Salvatierra Otero, estudante de agronomía, que falará sobre un proceso de incorporación ao mundo rural.
– Alba Recalde López, gandeira de ‘Xan das Bouzas’, unha gandería con actividades múltiples en Mondoñedo, Lugo.
– “Emisións de gases de efecto invernadoiro en vacún de leite. Oportunidades e riscos”, a cargo de César Resch Zafra, investigador no Centro de Investigacións Agrarias de Mabegondo (CIAM).
A asistencia á mesa é de balde, mais compre inscribirse na seguinte ligazón: https://bit.ly/inscripcionTP7
Aquí podes ver o programa completo das xornadas
