Galego
O Mercado de Amio saldouse esta semana cunha tendencia á suba de prezos en vacún maior, segundo se desprende dunha sondaxe aleatoria realizada polo Mercado entre os usuarios. Esta semana non se constituíu a Mesa de Prezos de Gando de Abasto por falta de asistencia de vogais que a integran, polo que os datos que se teñen dos prezos do gando proceden dunha sondaxe. Son os seguintes:
– En vacún maior, soben 20 céntimos as canais das clasificacións S e E, e 15 céntimos as da clasificación P (10 céntimos a subclase P2 e 20 céntimos a subclase P1).
– As canais de vacún mediano para carne baixan 5 céntimos por quilo.
– Na recría, baixan 5 euros os prezos dos machos descostrados de cruce, mentres soben 5 euros os frisóns.
Entre tanto, na Mesa de Prezos de Ternera Gallega, houbo repetición de cotizacións en tódalas categorías e calidades de gando. A asistencia ó mercado desta semana foi de 1.549 reses de vacún menor (17 menos que a pasada semana), 153 de vacún mediano (24 máis) e 141 de vacún grande (29 menos).
Máis información
– Táboas de cotizacións en Amio (21-IV-2021)
