Medio Rural repartirá 100.000 folletos sobre os produtos fitosanitarios que se poden adquirir sen carné

Tamén se editarán 4.000 carteis para distribuír nos establecementos comerciais e outros locais nos que se especificarán os tratamentos máis adecuados para tratar distintas enfermidades

Tamén se farán chegar aos establecementos comercializadores e a outros locais carteis explicativos sobre os tratamentos de uso non profesional máis axeitados para afrontar distintas enfermidades comúns. Neste caso haberá dúas variedades, 2.000 carteis sobre a vide e a pataca e outros 2.000 referidos a cultivos de horta como a cebola, o tomate, o pemento e a leituga. Estas publicacións súmanse ás 40.000 que xa se distribuíron no seu momento e que aclaran que persoas necesitan e cales non os carnés, así como as formas de conseguilo.

Unidade móbil da Xunta para impartir o carné de manipulador de fitosanitarios

“Deste xeito queremos deixar claro que aquelas persoas que cultiven produtos para o seu consumo e de xeito non profesional, non precisan sacar o carné de manipulador”, explicou a conselleira do Medio Rural, Ánxeles Vázquez, nunha visita a Verín para coñecer a nova unidade móbil da que dispón a Consellería para impartir formación por toda Galicia. “Grazas a este vehículo chegaremos a todos os recunchos da comunidade para que ningunha persoa que o precise quede sen formación”, declarou a titular. Precisamente, nestas primeiras semanas a aula móbil centrarase na obtención do carné de manipulador-aplicador de fitosanitarios de nivel básico na provincia de Ourense.

Estreouse hai dúas semanas no concello da Rúa, onde ata 73 persoas asistiron a un dos catro cursos que se ofertaron no municipio. Hoxe chegaba a Verín para ofrecer outros catro cursos con capacidade para 20 persoas cada un. A maiores, estanse a desenvolver formación para 61 alumnos no Centro de Desenvolvemento Cooperativo.

Esta aula móbil consiste nun camión extensible de 13,70 metros de longo e 2,5 de ancho que se abre ata os 4,70 para impartir as clases. Adaptado para persoas con mobilidade reducida e con sistema de climatización, ten capacidade para 30 asistentes á vez e conta cos cos medios audiovisuais precisos para impartir as clases. Estas impártense en horario de mañá e tarde co obxectivo de que os alumnos poidan compatibilizar a súa asistencia coas actividades agrícolas da zona. A aula móbil estará no concello de Verín ata o sábado e despois está previsto que se traslade a Ribadavia.

Listaxe de produtos fitosanitarios que se poden mercar sen necesidade de carnet de aplicador