Galego
Este sábado celebrouse no concello lugués de Chantada a Poxa de Gando Frisón, organizada por Africor Lugo, o concello chantadino e a cooperativa AIRA.
A poxa, que se celebrou no Mercado Gandeiro a partir das 12:00 horas, rematou cun prezo medio de 2723 euros por animal. Finalmente adxudicáronse 13 dos 14 animais presentados, todos eles pertencentes a ganderías da provincia.
O prezo máis alto que se pagou foron 3350 euros por dous animais: NEIRAS GERO 4313 de Gandería Neiras SC, e por LACPI BRAVE 0457 273, de Gandería LACPI SLU.
Nesta poxa e nas seguintes organizadas por Africor Lugo, Caixa Rural Galega aportou unha axuda directa aos compradores de 200 euros por animal mercado na poxa, que engadido ás doses que aporta Xenética Fontao, 3 doses de Strofa e 3 de Milord, fai que cada animal adxudicado na poxa dispuxera de máis de 300 euros de axuda.
Velaquí unha escolma fotográfica da poxa, realizada por Cris Pereira:
Control OJD
