Manexo do establo para a prevención de coxeiras

Manexo do establo para a prevención de coxeiras

Ben é coñecido por todos que as coxeiras en gando vacún son moi custosas tanto en diñeiro como en traballo para manexar eses animais enfermos e os seus tratamentos correspondentes.

Por iso hoxe imos lembrar uns puntos sinxelos que todos deberiamos coñecer para a menor prevalencia de animais coxos na nosa granxa.

Para iso necesitamos un plan de traballo coordinado entre todos os equipos que poidan ir a unha granxa; non só gandeiro e podólogo recortador axudan e corrixen as coxeiras da granxa, senón que tamén o equipo veterinario, nutrólogo, reprodución, se existen auditorias de benestar animal ou plans para iso, instalacións, manexo dos animais por parte de asalariados. Todos eles deberían estar a traballar en conxunto e coñecer ese plan de traballo.

Aspectos a ter en conta no plan de traballo coordinado.

Animais enfermos:

Revisar canto antes

Recorte funcional: 

Dependendo do tamaño da granxa hai que establecer un sistema de recorte para que os animais non sufran moito estrés, ben en granxas pequenas facendo todos os animais nun día e dúas veces ao ano normalmente e en granxas grandes establecendo un programa de visitas periódicas, ben sexa semanalmente, mensualmente, pico de lactación, secado, etc, Neste tipo de visitas sería indicado que en colaboración co gandeiro o podólogo recortador decidise a frecuencia das visitas.

Nutrición: 

Unha das principais causas de coxeiras é a nutrición; por iso non debemos esquecela e en colaboración co nutrólogo revisaremos a ración periodicamente. Este último debe de saber e coñecer as patoloxías da granxa mediante o informe do podólogo e así axustar a ración se fose necesario.

Hixiene e baños de cascos:

PODOLOXIA ASOCIACION BAÑO CASCOS PEZUÑAS

O máis indicado sería unha vez por semana con produtos indicados para iso non sendo o principal a concentración do produto senón a frecuencia e o limpo que se utilice o baño.

Unha vez por semana como prevención con concentracións do 5% normalmente e dúas ou máis veces se houbese alta incidencia de coxeiras infectocontaxiosas (decisión do podólogo).

Tempo de descanso dos animais: 

Outro dos factores de risco de coxeiras do que non se falou moito até agora é o tempo que os animais permanecen de pé ao longo do día sobre o cemento. En ocasións longas esperas para o muxido, camiñadas para iso ou insuficientes cubículos para o descanso son algúns dos aspectos máis destacados que poidan incidir na coxeira.

Un cubículo ben feito en que a vaca se poida tombar sobre 12 horas ao día e suficientes cubículos para todos os animais é a mellor recomendación que se pode dar, non ten moito secreto sendo as camas de recheo preferentes ás de goma segundo os últimos estudos.

Mellora dos chans:

PODOLOXIA ASOCIACION SOLO GRANXA

Non esquezamos o relado correcto dos chans de formigón: unha profundidade adecuada e non esvaradía axúdanos a evitar que os animais escorreguen e así evitar coxeiras traumáticas que moitas veces significan o sacrificio do animal.

Sabendo que existen moitos máis puntos a tratar para mellorar a saúde podal do rabaño estes son os máis básicos e fáciles de diagnosticar a grosso modo para ter unha menor incidencia de coxeiras. O traballo en equipo axudará a ese efecto.

APPB (ASOCIACIÓN PROFESIONAL DE PEDICURA BOVINA)

Desde a APPB (Asociación Profesional De Pedicura Bovina) desexamos que estes consellos cheguen a bo fin e así poder axudar a mellorar a menor incidencia de coxeiras nas nosas granxas.

Esta asociación (APPB) foi creada para promover o estudo, a practica e o coñecemento do recorte de cascos de gando bovino e para transmitir información e coñecementos aos membros. Para iso a asociación organiza cursos e reunións periódicas relacionadas co recorte de cascos establecendo criterios básicos de calidade, colaborando con universidades e entidades da materia para dar a mellor formación aos asociados e divulgar eses coñecementos.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información