Galego
Dentro da programación da XXXIX Feiradeza, o domingo terá lugar a XV Poxa de Gando Frisón ás 11:45 horas. A cita tamén se celebrará no Lalín Arena.
A poxa contará con máis de 20 animais procedentes de Finca Mouriscade e poranse á venda cun prezo de saída inferior aos 2.000 euros. Entre os animais hai varias primeiras recentemente paridas, vacas de segundos partos con familias MB ou EX e tamén exemplares de altas producións. Cabe puntualizar que nesta ocasión non é necesario realizar un rexistro previo para poxar.
Esta será a penúltima cita do evento, que concluirá coa entrega de premios e sorteos.
