Galego
O prezo medio do leite de vaca situouse no mes de xuño en España nos 0,327 euros o litro, cun lixeiro retroceso con respecto aos 0,329 euros do mes de maio, segundo os datos do Fondo Español de Garantía Agraria (FEGA), publicados este venres. En Galicia os prezos medios foron de 0,319 euros o litro, fronte aos 0,321 euros do mes de maio.
As entregas incrementáronse un 2,9% respecto ao mesmo mes de 2019, alcanzando as 624-657 toneladas. Nos 6 primeiros meses deste ano as entregas de leite en España incrementáronse nun 3,7%. Como xa vén sendo habitual nos últimos meses, o maior incremento en xuño correspondeu a Galicia, un 4,82% máis que o pasado ano, alcanzando unha produción de 232647 toneladas.
En canto ás calidades baixaron lixeiramente, como vén sendo habitual no verán, situándose no 3,63% de graxa e o 3,24% de proteína. As maiores porcentaxes de sólidos rexistráronse no leite producido en gandarías galegas: 3,74% de graxa e 3,25% de proteína.
