Lista de beneficiarios e importes das axudas da PAC 2019

Lista de beneficiarios e importes das axudas da PAC 2019

O Fondo Español de Garantía Agraria (FEGA) publicou este xoves a lista de beneficiarios das axudas da PAC 2019, co importe percibido por cada produtor.

En cumprimento da normativa comunitariai publícase na páxina web do FEGA a información dos beneficiarios de fondos procedentes do Fondo Europeo Agrícola de Garantía (FEAGA) e Fondo Europeo Agrícola de Desenvolvemento Rural (FEADER).

Neste sentido publicáronse as persoas físicas e xurídicas que recibiron fondos FEAGA e FEADER no exercicio financeiro 2019 -período comprendido do 16 de outubro de 2018 até o 15 de outubro de 2019-.

A información publicada recolle para cada beneficiario:

a) o nome e apelidos, no caso das persoas físicas; a razón social, se se trata de persoas xurídicas con personalidade xurídica propia, ou o nome completo da asociación, se é unha asociación sen personalidade xurídica propia;

b) o municipio no que reside ou está rexistrado;

c) os importes dos pagos correspondentes a cada unha das medidas financiadas polos Fondos;

d) a natureza e a descrición das medidas financiadas por calquera dos Fondos en virtude das cales se concederon os pagos contemplados no apartado c).

Porén, establécense as seguintes excepcións:

– Cando a contía da axuda recibida nun ano por parte dun beneficiario sexa igual ou inferior a 1 250 euros non se publicará o nome do beneficiario no caso das persoas físicas e estarán identificados mediante un código.

– Ademais, se estes residen nun municipio con 10 ou menos beneficiarios non se lles identificará no municipio senón na comarca

Consulta aquí os importes percibidos polos beneficiarios das axudas da PAC 2019

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información