Jacobo Aboal, novo director da Axencia Galega da Industria Forestal, agora adscrita á Consellería do Medio Rural

Nos últimos anos ocupou diversos cargos dentro da Dirección xeral de Planificación e Ordenación Forestal, entre eles o de subdirector xeral de Recursos Forestais

Publicidade
conselleiro do Medio Rural, José González, presidirá a toma de posesión do novo director da Axencia Galega da Industria Forestal (Xera), Jacobo Aboal Viñas.

Momento da toma de posesión de Jacobo Aboal como novo director da Axencia Galega da Industria Forestal (XERA)

O conselleiro do Medio Rural, José González, presidiu este luns a toma de posesión de Jacobo Aboal Viñas como novo director da Axencia Galega da Industria Forestal (XERA), ente adscrito agora, a partir da recente remodelación do Goberno da Xunta, á Consellería do Medio Rural.

José González destacou a vinculación do novo director co sector forestal, dado que Jacobo Aboal ocupou diversos cargos dentro da Dirección xeral de Planificación e Ordenación Forestal da Consellería do Medio Rural, destacando o de subdirector xeral de Recursos Forestais.

XERA pertencía até o de agora á Consellería de Industria

Ademais, realizou estancias internacionais de coñecemento (Universidade de New Brunswick, Canadá) e entre outras labores participou na elaboración da Lei 7/2012 de montes de Galicia, do Plan Forestal de Galicia 2021-2040 e axudou a impulsar o sistema de certificación forestal nos montes xestionados pola Consellería do Medio Rural. O conselleiro salientou ademais a profesionalidade e vontade de traballo de Aboal Viñas a prol dun dos sectores estratéxicos do rural galego.

Jacobo Aboal participou na elaboración da Lei de Montes e do Plan Forestal

Así mesmo, González puxo en valor a experiencia docente do novo director, que ten impartido diferentes cursos sobre o marco normativo forestal e relacionados con outros ámbitos da xestión forestal, todos eles na Escola Galega de Administración Pública. No apartado de publicacións, realizou preto dunha quincena de artigos e relatorios, tanto no eido galego como nacional e mesmo internacional.

Nado en Segovia en 1974, Jacobo Aboal é enxeñeiro técnico forestal e enxeñeiro de montes, titulado en ambas disciplinas pola Escola Politécnica Superior de Lugo, da USC. A maior parte da súa experiencia laboral estivo vinculada á Administración Forestal, tras un breve paso pola empresa privada, como técnico forestal.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información