Grupo Leche Celta lanza Celta +Proteína, a súa nova gama de produtos lácteos funcionais

Grupo Leche Celta, empresa de orixe galega referente na produción e distribución de produtos lácteos, presenta Celta +Proteína, unha nova gama de produtos lácteos enriquecidos en proteínas, desenvolvida para responder á crecente demanda de produtos funcionais e saudables.

Esta gama, que xa se atopa en todos os hipermercados Carrefour de España, inclúe opcións de leite e batidos deseñadas para diferentes momentos de consumo, en formatos adaptados a un estilo de vida activo e en liña coa filosofía Milkfulness da marca.

A liña Celta +Proteína inclúe Leite UHT desnatado e sen lactosa en envase dun litro, destinada a consumidores que buscan opcións baixas en graxa. Este formato achega 100 gramos de proteínas por envase, así como 297 mg de calcio e 200 mg de fósforo, nutrientes esenciais para a saúde ósea e muscular.

Así mesmo, os batidos de 250 ml dispoñibles en sabores café e cacao están pensados para consumir en calquera momento do día e sen necesidade de refrixeración. Cada envase achega 25 gramos de proteína natural, sen graxas nin lactosa e sen azucres engadidos. Ademais, o batido de cacao é tamén unha fonte de fibra, o que engade un valor nutricional adicional.

Para Javier Bretón, director xeral de Grupo Leche Celta, “Celta +Proteína está pensado para un público que busca incorporar máis proteínas na súa dieta diaria. A nosa análise de mercado revela un crecente interese por produtos proteicos, especialmente entre quen levan un estilo de vida activo e saudable. Queremos ofrecer unha opción accesible e conveniente, non só para deportistas, senón para calquera persoa que valore os beneficios dunha dieta rica en proteínas.”

Sustentabilidade no envasado

Grupo Leche Celta reafirma o seu compromiso co medio ambiente utilizando materiais sustentables para o envasado de Celta +Proteína. O leite UHT preséntase en envases Tetra Stelo dun litro, con plástico de orixe vexetal e papel certificado 100% FSC, logrando reducir un 20% as emisións de CO2. Ademais, tanto o leite como os batidos en envase Tetra Prisma de 250 ml contan con tapón unido, facilitando a reciclaxe e minimizando o desperdicio. Os envases de leite agrúpanse con filme 70% reciclado e os de batidos en bandexas de cartón reciclado, minimizando así o impacto ambiental.

35 anos de compromiso coa calidade e a innovación

Con 35 anos no mercado, Grupo Leche Celta segue comprometido coa calidade e a innovación. Este lanzamento enmárcase nunha serie de novidades que celebran o seu aniversario, entre as que se inclúen a entrada na categoría de queixos con formatos para untar en versións Orixinal e Lixeiro, así como queixo fundido en porcións e lonchas, que estarán dispoñibles proximamente. A gama de manteigas tamén foi ampliada con formatos que van desde 100 gramos até un quilogramo, adaptándose a diversas necesidades de consumo.