Gandeiros baleiran un camión cisterna de leite portugués en Teixeiro

Os produtores protestan así contra as prácticas das industrias transformadoras, ás que acusan de traer produción foránea en tanto malpagan ou néganse a recoller a galega

Gandeiros baleiran un camión cisterna de leite portugués en Teixeiro

Acción contra a cisterna lusa en Teixeiro. / Imaxe: Cedida.

Un grupo de gandeiros galegos interceptou na noite pasada un camión de leite portugués ó seu paso por Teixeiro (Curtis). Os produtores, que procederon a baleirar sobre o asfalto a carga da cisterna, amósanse indignados contra as industrias que están a recibir ese leite, pois entenden que están a malpagar ou a negarse a recoller a produción galega, en tanto importan leite foráneo.

Fontes do sector sinalan que os boicots contra a importación de cisternas de leite de Portugal estanse a suceder nos últimos días. O baleirado dunha cisterna a pasada noite en Texeiro é a primeira acción que trascende, pero xa en agosto se produciran boicots similares.

As accións dos gandeiros dirixíronse estes días contra cisternas da empresa de transportes A Fornecedora, que xa en febreiro fora obxecto dun boicot en Monforte por transportar leite para Euroserum. Os gandeiros volveron confirmar meses despois que a factoría de Euroserum seguía a recibir un mínimo de tres camións diarios procedentes de Portugal.

O destino do camión baleirado onte en Teixeiro aínda non está claro. Os gandeiros que participaron no boicot sosteñen que se dirixía a unha factoría de Capsa, circunstancia que a compañía nega.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información