A gama Fertimón Tech de viñedo, ferramentas para todas as necesidades

Atopámonos na primeira fase da campaña do viñedo e para a súa defensa contra enfermidades fúnxicas e pragas, debemos incorporar novidades ao noso esquema de tratamentos convencionais. É preciso introducir formulados que nos permitan alternar mecanismos de acción, sen perder eficacia no control das enfermidades.

Neste contexto, o uso de biofunxicidas e bioestimulantes garante a prevención de resistencias e mellora a eficacia de fitosanitarios tradicionais.

Expoñemos a continuación unha serie de produtos desenvolvidos na gama Fertimón Tech, pensados para fortalecer o viñedo, alternar con tratamentos fitosanitarios e aptos para agricultura ecolóxica.

• Soy: Biofunxicida para control de mildeu. Está formulado a base de lecitina de soia de uso alimentario e non modificada xeneticamente (única no mercado).

  A súa formulación como emulsión acuosa (EW) faina máis insoluble que unha suspensión concentrada (SC), multiplicando o seu efecto secante.

  Está sometida a un proceso de bioestabilización que mantén as súas propiedades intactas ao longo do tempo.

• Bicarb: funxicida de contacto preventivo e curativo contra oídio. Forma unha capa protectora sobre a superficie foliar que provoca o colapso osmótico das células fúnxicas, á vez que evita a instalación de novas esporas a través da alteración do pH. Compatible con fitosanitarios a base de xofre. A diferenza destes, é eficaz a altas temperaturas, xa que non provoca fitotoxicidade. Período de seguridade de 1 día.
• Stalion: Biofunxicida para control de mlldeu formulado a base de equisetum arvense (cola de cabalo).

  Ten un efecto secante e antiesporulante certificado pola Unión Europea.

  Sen risco de xerar resistencias, pódese aplicar só ou en combinación con fitosanitarios convencionais. Sen prazo de seguridade.

• Sano: Bioestimulante a base de clorhidrato de quitosano. Presenta unha función promotora das defensas naturais da planta. Efecto certificado bactericida e funxicida no control de iesca, Black rot e botrite.

  Bioestabilizado, as súas propiedades non se alteran no tempo. Sen prazo de seguridade.

• Mildcu: Cobre sistémico complexado con moléculas orgánicas de orixe vexetal que provocan unha resposta positiva e inmediata na planta, tanto por vía foliar como radicular.

  Non provoca fitotoxicidades nin parada vexetativa.

• Fortabrot: bioestimulante líquido a base de micronutrientes complexados con lignosulfonatos. Precursor das defensas naturais da planta, “efecto vacuna“.

  Así mesmo, actúa como activador metabólico impulsando a brotación, floración e movemento do zume polo seu movemento sistémico.

• Ligno MZ: abono líquido con manganeso e zinc que corrixe carencias, mellora a polinización, o calibre e a coloración. Recomendamos aplicalo conxuntamente cos tratamentos contra mildeu, xa que a súa excelente sistemia aumenta a eficacia e durabilidade dos produtos fitosanitarios. Ademais, estudouse que estes elementos inhiben encimas dos fungos.
• Vitalmino: complexo a base aminoácidos de cadea curta (péptidos) en alta concentración (53%). É unha potente ferramenta para paliar efectos de estrés, tanto bióticos como abióticos, grazas á súa alta porcentaxe en glicina.

  Estimula e mellora a brotación, floración e callado de froitos. Compatible en mestura con fitosanitarios.

Todos os produtos descritos contan con certificación para o seu uso en agricultura ecolóxica.