A Comunidade Autónoma de Galicia recibirá 1 millón de euros para a reestruturación e reconversión do viñedo para o exercicio 2017, no marco do programa de Apoio ao Sector vitivinícola español 2014 – 2018.
Así se acordou este luns na Conferencia Sectorial de Agricultura e Desenvolvemento Rural que se celebrou en Madrid e que estivo presidida pola ministra de Agricultura y Pesca, Alimentación y Medio Ambiente, Isabel García Tejerina. A distribución de fondos ascendeu a 72.532.000 euros entre las Comunidades Autónomas, dos que as máis beneficiadas foron Castela A Mancha (33,4 millóns) e Extremadura (7,4 millóns), mentres que no caso de Galicia a asignación foi de 1 millón de euros.
Galicia espera reestruturar 100 hectáreas con estas axudas en 2017
A conselleira do Medio Rural, Ángeles Vázquez, mostrouse satisfeita con esta cifra, “pois permite cumprir coas demandas do sector e traballar así na reestruturación dunhas 100 hectáreas no vindeiro ano 2017”.
Estas achegas están cofinanciadas na súa totalidade polo Fondo Europeo Agrícola de Garantía (Feaga) e aplícanse ás superficies de viñedo da comunidade autónoma destinadas á produción de uva para vinificación, nas que se leven a cabo tarefas de reconversión varietal, reimplantación de viñedos ou melloras das técnicas de xestión de viñedos.
A titular de Medio Rural destacou a importancia destas axudas para o noso sector vinícola, pois grazas aos reaxustes estruturais que se levan a cabo conséguese diminuír os custes de produción nas explotacións vitícolas onde predomina o minifundio. Ademais, sinalou que o aumento da profesionalización dos viticultores galegos, así como a potenciación dunha remuda xeracional permite que este sector destaque polo seu peso e calidade tanto no mercado nacional como no internacional.
Precisamente estas achegas tamén permiten mellorar as técnicas de xestión dos viñedos e adaptar as explotacións ao mercado a través de melloras varietais, ao mesmo tempo que se preservan as variedades viníferas autóctonas de menores rendementos e de elevada calidade diferenciada, aproveitando deste xeito a gran vantaxe competitiva que supón a diferenciación nun mercado cada vez máis globalizado.
Sector competitivo
No período 2000-2015 beneficiáronse destas axudas no conxunto de España un total de 9.300 viticultores e a superficie afectada foi de 4.131 hectáreas. Destináronse 60,6 millóns de euros a esta finalidade e a media de axuda por beneficiario foi de 6.524 euros.
O pasado mes de xullo rematou o prazo para solicitar as axudas correspondentes á anualidade 2016, sendo un total de 71 as solicitudes presentadas en Galicia -e aínda pendentes de resolución- que se engloban en 10 plans colectivos para traballar nun total de 63 hectáreas.
Reparto de axudas para restruturación e reconversión do viñedo en 2017:
CCAA |
REPARTO 2017 |
€ |
|
Andalucía |
2.529.571 |
Aragón |
3.225.291 |
Asturias |
0 |
Baleares |
221.752 |
Canarias |
38.548 |
Cantabria |
0 |
Castilla-La Mancha |
33.418.561 |
Castilla y León |
6.633.234 |
Cataluña |
4594562 |
Extremadura |
7.477.926 |
Galicia |
1.000.000 |
Madrid |
214.000 |
Murcia |
2.060.865 |
Navarra |
1.316.699 |
País Vasco |
1.148.877 |
La Rioja |
3.826.069 |
Valencia |
4.826.045 |
TOTAL |
72.532.000 |