Francia pronostica escasez de sementes de millo para a campaña 2021

A produción de sementes estivo esta campaña por debaixo dos obxectivos a causa de olas de calor e secas estivais. Para a próxima campaña, espéranse tensións en toda Europa no suministro de determinadas variedades

Francia pronostica escasez de sementes de millo para a campaña 2021

Sementeira do millo. / Arquivo.

A campaña de millo 2021 estará marcada por unha oferta de sementes inferior á esperada. A escasez débese a varios factores. Por un lado, houbo un aumento da superficie de millo forraxeiro en Europa no 2020, o que mobilizou volumes sen precedentes de semente. Por outra banda, a produción de sementes este ano viuse impactada polas secas e olas de calor que afectaron no verán a Centroeuropa.

Así as cousas, Francia, primeiro produtor de sementes de millo en Europa, con 80.000 hectáreas adicadas á multiplicación, só acadará un 90% dos seus obxectivos de produción de semente. Outros países produtores de semente tamén se sitúan por baixo das súas perspectivas, o que leva a que a nivel europeo a produción de sementes se sitúe nun 88% dos obxectivos agardados. Nunha campaña normal, a produción rondaría o 98-105% dos obxectivos.

Para o próximo ano, ademais, espérase unha alta demanda de sementes de millo, dadas as menores existencias forraxeiras derivadas da seca, entre outros factores. Esa demanda, unida a unha menor oferta, fai que a Interprofesional francesa augure tensións de mercado en determinadas variedades. Haberá suficiente suministro de sementes para abastecer ó campo, pero quizais non da variedade que en cada caso quixeran os produtores.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información