A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

A Evega encargarase de analizar oficialmente as partidas de viño da D.O. Valdeorras

Publicidade
A Evega encargarase de analizar oficialmente as partidas de viño da D.O. Valdeorras

Reunión do pleno do Consello Regulador da Denominación de Orixe Valdeorras

As instalacións do Consello Regulador, en Vilamartín de Valdeorras, acolleron este xoves a celebración dun pleno ordinario do organismo no que se aprobou unha iniciativa para contar coa Estación de Viticultura de Galicia (EVEGA), dependente da Xunta, como entidade encargada de analizar oficialmente as partidas de viño procedentes da D.O. en substitución da empresa de Castela-A Mancha que o viña facendo ata o de agora.

“Consideramos que, por proximidade xeográfica, contar con EVEGA, dependente da Consellería do Medio Rural, facilitará enormemente a xestión de análise”, considerou Francisco García, encargado de presidir o Pleno.

Xunto a isto, o presidente do Consello Regulador informou aos membros do Pleno de que o organismo iniciou xa contactos con universidades e centros de investigación para colaborar na posta en marcha dun método de identificación da orixe da uva, o que permitirá garantir a procedencia e a autenticidade do viños da comarca “mediante a análise dunha serie de parámetros que identifican a orixe ao 100%, tal e como xa acontece noutros países”.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información