Estabilidade nos prezos do gando no Mercado de Amio

Os prezos do gando que concorreu hoxe ao recinto feiral do Mercado de Amio mantéñense igual que na sesión anterior, cunha tendencia á baixa nos do vacún maior das clases O e P.

En canto á asistencia de gando, na sesión de hoxe pasaron polo recinto 1.583 reses, 135 máis que o pasado mércores. En detalle, asistiron 1.377 cabezas de vacún menor (154 máis que o 15 de maio); 72 de vacún mediano (-7) e 134 de vacún grande (-12).

Os vogais da Mesa de Prezos da Indicación Xeográfica Protexida Ternera Gallega decidiron manter os prezos da sesión anterior para todas as categorías e as calidades desta carne.

Máis información

– Táboa completa dos prezos de Amio (22-V-2024)