O Ministerio de Agricultura, a través do Fondo Español de Garantía Agraria (FEGA), acaba de publicar unha nota explicativa sobre en que consistirá o apoio á renda na nova PAC 2023-2027.
O réxime de pago básico establecido no ano 2015 dá lugar no próximo período 2023-2027 a un novo sistema de axudas desacoplado da produción, formado pola axuda básica á renda para a sustentabilidade (ABRS) e a axuda redistributiva complementaria á renda.
A continuación, expóñense os principais compoñentes deste novo sistema, así como o proceso para a súa implantación a partir da próxima campaña 2023.