En España soamente o 34% dos equipos fitosanitarios pasou a ITEAF en prazo

Un total de 75.943 pasaron a inspección técnica de equipos fitosanitarios (Iteaf), dos 220978 que obrigatoriamente, segundo estableceu a directiva da Comisión Europea, tiñan que pasar en España antes do 26 de novembro, o que supón o 34% do total.

Así se desprende da información oficial facilitada a Campo Galego polo Ministerio de Agricultura, aínda que faltan por contabilizar nalgúns casos as inspeccións pendentes por atrasos na inscrición no Roma.

Soamente cinco comunidades cumpriron os prazos : Madrid, Cataluña, Navarra, Castela a Mancha e A Rioxa. Preto de alcanzar o 50% de inspeccións quedáronse Aragón e País Vasco. A menor porcentaxe de ITEAF realizadas rexistrouse en Andalucía, Asturias e Baleares. Galicia quedouse, segundo a información facilitada ata o momento, no 14,96% de equipos que pasaron a inspección.

En canto a que pasará co 66% de equipos que non pasaron a Iteaf obrigatoria, de momento o Ministerio non se pronuncia sobre se aplicará sancións, conforme establece o Real Decreto 1702/2011. A Xunta de Galicia, e organizacións agrarias como Unións Agrarias, solicitaron ao Mapama unha prórroga na aplicación da directiva europea, sen que ata o momento transcendese información respecto diso.

Fonte: Mapama