Galego
O pasado 18 de outubro Forest Pioneer presentou en Foz (Lugo) a nova trituradora con orugas por radiocontrol RCU-75 , especialmente deseñada para traballar en terreos forestais en pendente.
Manuel Portas, delegado comercial de Forest Pioneer, valora “moi positivamente” a presentación, xa que “contamos coa presenza de destacadas empresas do desbroce forestal tanto de Galicia como de Asturias”.
En canto aos avances máis innovadores desta máquina e que suscitaron a atención dos asistentes, destaca “que é un produto totalmente novo no mercado, xa que está deseñada exclusivamente para realizar desbroces mediante radiocontrol en condicións moi desfavorables, en terreos con pendentes de ata 55 graos”. Ademáis, subliña que “a RCU75 destaca tamén pola súa robustez e pola boa protección dos seus componentes, o que permite ter menos imprevistos cando se está traballando con ela”.
“Onde outro tipo de maquinaria de desbroce non chega ou corre risco de envorcar, coas consecuencias que isto ten para o operario, a RCU 75 realiza un traballo impecable e sen riscos laborais”, resume Manuel Portas.
Ao igual que o resto de maquinaria comercializada por Forest Pioneer o servizo post -venda para esta máquina ofrécese tanto en talleres propios como en asociados, abarcando todo o territorio, e desprazándose un técnico se fose necesario.
As persoas interesadas na nova trituradora forestal con orugas por radiocontrol RCU-75 poden chamar ao 673 667 054 ou na web www.forestpioneer.com
