Elevada afluencia de gando e sen variacións nos prezos en Amio

O Mercado de Amio (Santiago), rexistrou esta mañá unha elevada afluencia de gando logo das alteracións das últimas dúas semanas por mor dos festivos dos días 15 e 16 de agosto. Así, o mercado recuperou os rexistros habituais e mesmo contabilizou máis animais do habitual para esta época do ano.

Deste xeito, na xornada de hoxe reuníronse un total de 2.239 animais, 307 menos que o pasado día 21 de agosto. Houbo 1.836 cabezas de vacún menor (349 menos que na sesión anterior), 216 de vacún mediano (3 menos que na feira pasada) e 169 de vacún grande (47 animais máis que no último mercado).

En canto ós prezos, a Mesa da Indicación Xeográfica Protexida Ternera Gallega decidiu manter as cotizacións da sesión anterior para tódalas categorías e calidades desta carne.

O mesmo aconteceu co gando de abasto que tamén continúa cos mesmos prezos da feira pasada para todo tipo de animais.

Máis información:

– Táboa de prezos de Amio (28-VIII-2019)

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información