Galego
De Heus vén de anunciar o lanzamento de TEN, a súa nova gama de produtos para cunicultura, centrada en ofrecer a máxima saúde intestinal para os coellos e a máxima eficiencia e rendibilidade aos cunicultores. A nova formulación destes produtos alimentarios baséase no concepto de proteína ideal, fibra dietética, enerxía equilibrada e suplementos nutricionais.
A propia compañía explicou que as pretensións desta nova liña de produtos son avanzar ao carón dos cambos na normativa europea e española que esixen, cada vez máis, unha redución significativa dos antibióticos nos pensos. “A nosa misión é ofrecer conceptos innovadores de alimentación que impliquen niveis mínimos de antibióticos mentres se alcanza un rendemento óptimo. Traballamos duramente para axudar aos gandeiros a prepararse para facer esta transformación da nosa industria con éxito”, explican fontes da empresa.
A formulación de TEN está baseada no concepto nutricional de proteína ideal, o que permite diminuír os riscos sanitarios dixestivos e mellorar os resultados produtivos
Con esta nova gama de produtos para a cunicultura industrial, De Heus pretende fusonar e substituír os actuais produtos das marcas Biona, Pascual, Evialis, Unzué e Muga. De feito, a proposta acumula un total de 16 tipos de novos penso para se adaptaren ás diferentes necesidades alimentarias grazas aos seus diferentes conceptos de desenvolvemento e perfís nutricionais.
“Na formulación quixemos conseguir catro obxectivos que entendemos que son fundamentais para unha adecuada cunicultura: menos problemas dixestivos, diminución de uso de antibióticos, mellora dos resultados zootécnicos e benestar animal”, detalla Luís Sevilla, xefe de Produto Avicultura e Cunicultura en De Heus. Todo iso podería resumirse na estratexia transversal Nutrición Responsable, coa que De Heus avanza cara a unha produción e un sector gandeiro máis sustentable.
“A formulación de TEN está baseada no concepto nutricional de proteína ideal, o que permite diminuír os riscos sanitarios dixestivos e mellorar os resultados produtivos, tanto a nivel de velocidade de crecemento, como de Índice Conversión e Rendemento Canle. Isto é algo fundamental para a rendibilidade dos cunicultores e a sustentabilidade do sector?, engade.
TEN foi formulado para garantir unha correcta achega de fibra dixestible que axude ao control da microbiota intestinal e a mellora da saúde intestinal
Doutra banda, tendo en conta que o manexo da fibra é clave para unha correcta nutrición do coello, segundo din dende a empresa, TEN foi formulado para garantir unha correcta achega de fibra dixestible que axude ao control da microbiota intestinal e a mellora da saúde intestinal. Porén, apuntan que tamén teñen en conta a achega necesaria de fibra indixestible, que axuda á correcta regulación do tránsito intestinal dos coellos.
Afondando a nivel técnico, os diferentes produtos da gama adecúanse ás necesidades enerxéticas dos coellos de forma equilibrada, “conseguímolo a través dun balance adecuado entre o almidón e a graxa como diferentes fontes de enerxía”, explica Luís Sevilla. O xefe de Produto Avicultura e Cunicultura en De Heus tamén quixo destacar a incorporación de suplementos nutricionais que axudan a mellorar a saúde intestinal, o estado inmunitario dos animais e os resultados produtivos, contribuíndo activamente á redución do uso de antibióticos.
Estratexia de redución de antibióticos
De Heus leva anos traballando nunha estratexia de redución de uso de antibióticos, que tomou forma baixo o programa corporativo Natural Power. “Existen alternativas seguras e saudables aos antibióticos, que se basean nunha nutrición eficiente, bo manexo en granxa, hixiene e bioseguridad e avances en xenética animal”, destaca o xefe de Produto Avicultura e Cunicultura en De Heus.
Neste sentido, a compañía traballa en varios proxectos de I+D+i que teñen como obxectivo avanzar cara a unha produción máis eficiente que permita eliminar o uso de antibióticos nos plans de alimentación animal. Un deses proxectos é TIRAC, liderado por De Heus, no que participan a USC, a UPM e a Feuga e ten como colaboradores a Naraba, Porgacun e Intercún.
O principal obxectivo de De Heus neste proxecto é o desenvolvemento de novas estratexias nutricionais para cunicultura baseadas na alimentación de precisión, para reducir a necesidade de utilizar medicacións fronte a problemas dixestivos.
