“Da escola á granxa”, un proxecto pioneiro da Deputación de Lugo para achegar o agro á infancia

A deputada de Medio Rural, Mónica Freire, destaca o reforzo desta iniciativa pioneira cunha partida de 80.000 euros e 30 proxectos de emprendemento rural que amosarán ás novas xeracións a importancia do sector primario

“Da escola á granxa”, un proxecto pioneiro da Deputación de Lugo para achegar o agro á infancia

Medio Rural da Deputación de Lugo pon en marcha a segunda edición do programa “Da escola á granxa”, unha iniciativa pioneira de visitas escolares a granxas e empresas agroalimentarias do rural. 

A Xunta de Goberno provincial aprobou as bases da convocatoria, cun importe de 80.000 euros, o dobre de orzamento que na primeira edición, e unha oferta formativa ampliada, con máis gandeirías e producións agrícolas que se incorporan a este proxecto que achega as novas xeracións ao rural, amosando a importancia do sector primario para a producíon de alimentos saudables, a conservación do medio ambientes e da cultura tradicional.

Ademáis, o programa de visitas guiadas dende os centros escolares ata as granxas permite dignificar e poñer en valor o traballo dos/das agricultores/as, para que os rapaces poidan coñecer o papel fundamental que teñen e afastar o estigma social da baixa autoestima que os propios agricultores/as e gandeiros/as lles transmiten ás xeracións vindeiras.

A deputada Mónica Freire suliñou o reforzo desta iniciativa pioneira que “espertou moito interese tanto das Anpas e dos colexios como nas gandeirías, producións agrícolas e en xeral iniciativas de emprendemento no rural que ven nel unha oportunidade para dar a coñecer o seu traballo, os produtos que elaboran e o patrimonio natural da súa contorna”.

A responsábel provincial adiantou que “o catálogo educativo que se ofrecerá as Anpas inclúe 30 granxas, repartidas por toda a provincia, con actividades diversas, desde a produción de froita e produtos de horta ata a cría de gando vacún, ovino, cabrún, avícola ou cabalar ou a elaboración de queixos e marmeladas” e “tamen obradoiros de educación ambiental impartidos pola asociación Adega”.

Solicitudes

As bases do programa foron publicadas no Boletín Oficial da Provincia, e neste momento está aberto prazo de solicitude para as Anpas de centros escolares públicos de infantil e primaria, con prioridade para as de concellos con menos de 20.000 habitantes. Medio Rural da Deputación achegará entre 300 e 900 euros para que as asociacións de nais e pais afronten os gastos relacionados coa actividade. As actividades poderían realizarse ao longo de todo o 2023. 

Actividades que se ofrecen: 

Os 30 produtores e produtoras da provincia de Lugo que participan no programa “Da Escola á Granxa” ofrecen aos escolares un amplo abano de actividades : 

-Visitas guiadas ás ganderías, horas e industrias agroalimentarias. 

– Interactuar alimentando os xatos. 

-Obradoiro de como se muxe unha vaca. 

-Obradoiros de concienciación ambiental que organiza e imparte ADEGA

-Degustación con produtos derivados do leite: queixo, tortas, biscoito, leite fervido, iogures

-Obradoiros de elaboración de queixo. 

-Organización de obradoiro/xornada de pastoreo no monte para escolares

-Degustación de cabrito ecolóxico da explotación cociñado en restaurante tradicional colaborador

-Obradoiros de transformación e envasado de grelos e outros produtos vexetais

-Obradoiro de propagación de plantas e elaboración dun dentífrico co extractos medicinais.

-Creación dun semilleiro e dunha horta ecolóxica. 

Granxas participantes: 

mapa lugo da escola á granxa 2023

DA GRANXA Á ESCOLA PARTICIPANTES 2

Descarga aquí a lista completa de participantes e actividades que ofrece o programa “Da Escola á Granxa”

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información