Curso sobre estratexias de márketing dixital enfocado no sector agroalimentario

A Fundación Juana de Vega promove o curso “Estratexias de márketing dixital para o sector agroalimentario” que se realizará na sede do centro EFA Piñeiral, en Arzúa. Esta actividade terá lugar o xoves 20 de marzo de 9:00 a 18:30 horas.

O número de prazas ofertadas son 10 e o curso está dirixido a emprendedores, produtores e transformadores agroalimentarios, ademais das persoas interesadas. O obxectivo principal é dar a coñecer as tendencias actuais en márketing dixital.

As persoas que asistan tamén aprenderán sobre SEO local, IA, emailmárketing e marketplaces. Ademais levaranse a cabo traballos para poñer en práctica o aprendido sobre contidos dixitais e edición de vídeo. Os interesados en participar poden inscribirse na seguinte ligazón.

O programa do curso é o seguinte:

9:00 – 09:30h. Introdución e fundamentos do márketing dixital

• Formador: Beatriz Ventosinos, CEO de Ahao Studio

09:30 – 10:30h. Nanoinfluencers e experiencia de compra online

• Formador: Beatriz Ventosinos, CEO de Ahao Studio

10:30 a 11:00h. Café

11:00 a 12:00h. Marketplaces e dropshipping

• Formador: Pablo Borrás, CEO de 2beddigital

12:00 a 13:00h. Mesa redonda. Exemplos de éxito de marketplace alimentarios en Galicia

• Participantes: Carabunhas, Bigcrafters e Plant on Demand
• Moderador: Pablo Borrás

13:00- 14:00h. Copywriting e SEO Local

• Formador: Pablo Roca Longueira, SEO e márketing dixital en Juicer Marketing

14:00 – 15:00h. Xantar

15:00- 16:00h. IA e emailmárketing

• Formador: Fernando Mosquera, responsable de performance en Esterea

16:00 – 18:30h. Taller práctico. Vídeos accesibles para a túa estratexia de márketing

• Formador: Miguel Rodríguez, xestor de contidos creativos e cofundador de Phil Miller