A Fundación Juana de Vega organiza un curso sobre canles curtas de comercialización no sector agroalimentario. Ofrécense dúas modadalidades de participación, online e semipresencial (35 horas de formación online e 3 sesións presenciais de 3 horas na sede da Fundación). As persoas interesadas poden inscribirse ata o 7 de setembro.
A actividade enmárcase no proxecto Erasmus + ‘Foodimprove iders’. A parte online do curso inclúe 8 módulos:
– Presentación do proxecto.
– Seguridade alimentaria.
– Xestión
– Etiquetado.
– Cadeas alimentarias alternativas.
– Procesado do alimento.
– Marketing.
– Casos de estudo (4 conferencias web de 30 minutos cada unha sobre os seguintes temas: market place, comedores escolares, agrupación de produtores e grupos de consumidores).
As sesións presenciais abordarán cuestións de branding (xestión da marca e do seu posicionamento) e de marketing (produto, promoción e distribución). Tamén están previstas visitas técnicas a empresas locais.
As persoas interesadas poden consultar toda a información do curso e inscribirse no formulario habilitado na web da Fundación Juana de Vega.