Curso online sobre xestión de explotacións agroalimentarias

AGACA impartirá o obradoiro gratuíto “Sistema integrado, xestión de explotacións agroalimentarias” que se realizará entre o 3 e o 28 de febreiro en modalidade de teleformación. As persoas rexistradas poderán acceder aos contidos a través dunha plataforma en liña no momento que desexen.

Os módulos 2, 3 e 4 están homologados pola Consellería do Medio Rural da Xunta de Galicia, polo que as persoas que se conecten á formación durante as horas establecidas para cada un deles e superen os exames da Consellería, terán dereito a un certificado emitido pola devandita entidade.

A inscrición realízase gratuitamente na seguinte ligazón ata o 30 de xaneiro. O contido do obradoiro é o seguinte:

Módulo 1: Cooperativismo no sector primario. Duración: 20 h.

Unidade 1. As Cooperativas.

Unidade 2. Marco Legal do Cooperativismo.

Titor: Carlos Ares Fernández. Técnico de AGACA.

Módulo 2: Benestar Animal. Explotacións. Duración: 20 h.

Unidade 1. Módulo Xeral.

Unidade 2. Persoal das explotacións (incluíndo centros de concentración, granxas).

Titor: Eduardo Mazaira Vázquez. Veterinario.

Módulo 3: Operador de Granxa. Duración: 20 h.

Unidade 1. Características da produción bovina.

Unidade 2. Sanidade animal, hixiene e bioseguridade.

Unidade 3. Manexo.

Unidade 4. Xestión ambiental e loita contra cámbio climático das explotacións.

Unidade 5. Rexistro de información e documentación.

Unidade 6. Normativa vixente no ámbito europeo, nacional, autonómico e local relacionada.

Titor: Eduardo Mazaira Vázquez. Veterinario.

Módulo 4: Benestar Animal. Transportistas. Duración: 10 h.

Titor: Eduardo Mazaira Vázquez. Veterinario.

Esta actividade enmárcase no programa de actuación 2024 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía Social.